فوتو: ءماجىلىس
كىندىكتى اۋىلىنىڭ تۇرعىندارى ءجۇن-تەرى ءوندىرىسىن اشۋ, جوعارى جىلدامدىقتى ينتەرنەتپەن قامتاماسىز ەتۋ, اۋىلدان رەسپۋبليكالىق جولعا دەيىنگى 60 شاقىرىم جولدى جوندەۋ, تۇرعىن ءۇي, اۋىز سۋ, مەكتەپتى جوندەۋ ماسەلەلەرىن كوتەردى.
كوكتۇبەك اۋىلى تۇرعىندارى جاڭا مەكتەپ سالۋ, اۋىلدى جوعارى جىلدامدىقتى ينتەرنەتپەن قامتاماسىز ەتۋ, وزەن ارناسىن تازالاۋ, وزەنگە كوپىر سالۋ, ساتپاەۆ تۇرعىندارى قالباتاۋ-مايقاپشاعاي جولىن جوندەۋ تۋرالى ۇسىنىستارىن ايتتى.
– اقسۋاتتىقتار مەكتەپ سالۋ, اۋىل شارۋاشىلىعىن دامىتۋ, سۋبسيديا بەرۋ, ءجۇن-تەرى ءوندىرىسىن اشۋ, ەت وڭدەۋ, ماشينالاردى تىركەيتىن ارنايى حالىققا قىزمەت كورسەتۋ ورتالىعىن اشۋ, اياگوز-اقسۋات جانە قالباتاۋ-مايقاپشاعاي جولدارىن جوندەۋ, ەلەكتر جەلىلەرىن جوندەۋ, يگەرىلمەي جاتقان جەرلەردى قايتارۋ, مىندەتتى مەديتسينالىق ساقتاندىرۋ قورىنىڭ قىزمەتىن رەتتەۋ, اۋعان سوعىسىنىڭ ارداگەرلەرىنە جاردەماقىنى ءوسىرۋ تۋرالى جانە باسقا دا ماسەلەلەردى ورتاعا سالدى, – دەدى دەپۋتات.
كوكپەكتى اۋدانىنىڭ حالقى كوكتەمدە سۋ تاسقىنى بۇزعان كوپىردى قايتا سالۋ جونىندەگى ۇسىنىستارىن جەتكىزدى. ازاماتتاردى قابىلداۋ كەزىندە اۋداندىق اۋرۋحانانى كۇردەلى جوندەۋگە قاراجات ءبولۋ, بالالارعا ارنالعان لاگەر سالۋ,«قالباتاۋ-مايكاپشاعاي» جولىن جوندەۋ ماسەلەلەرى ايتىلدى.
سونىمەن قاتار دەپۋتات «قازاۆتوجول» اكتسيونەرلىك قوعامى اباي وبلىستىق فيليالىندا بولىپ, باس مەردىگەر كومپانيانىڭ وكىلدەرىمەن بىرگە «قالباتاۋ-مايقاپشاعاي» جولىن قايتا سالۋ بارىسىمەن تانىستى.
بورودۋليحا اۋدانىنىڭ بورودۋليحا جانە پەتروپاۆلوۆكا اۋىلدارىندا ازاماتتاردى قابىلداپ, اۋىلداردا سالىنىپ جاتقان دەنە شىنىقتىرۋ-ساۋىقتىرۋ كەشەنىنىڭ قۇرىلىسىن, سپورت جانە دەمالىس ورتالىعىن جانە جاڭا ءشۇلبى اۋىلىندا سالىنىپ جاتقان جىلۋ جەلىسى مەن بلوكتى مودۋلدىك قازاندىقتى, دارىگەرلىك امبۋلاتورياعا باردى. تۇرعىنداردى دارىگەرلىك امبۋلاتوريالاردى جوندەۋ, سانيتارلىق كولىكتەردى جاڭارتۋ, پەتروپاۆلوۆكا اۋىلىندا بالاباقشا سالۋ جانە ۆوسكرەسەنوۆكا-پەتروپاۆلوۆكا جولىن جوندەۋدى ۇسىندى.
بۇدان بولەك دەپۋتات كۋرچاتوۆ قالاسىنا بارىپ, ينفراقۇرىلىمىمەن تانىسىپ, سالىنىپ جاتقان فۋتبول الاڭىن, قالپىنا كەلتىرىلىپ جاتقان كوپقاباتتى ءۇي مەن قۇرىلىسشىلار اللەياسىن ارالادى. تۇرعىندار قابىلداۋ كەزىندە ولار قالاعا «عىلىم قالاشىعى» مارتەبەسىن بەرۋ, سەمەي يادرولىق ايماعىنىڭ قاۋىپسىزدىگىن قامتاماسىز ەتۋ, بۇرىنعى سەمەي سىناق پوليگونى اۋماعىندا زاڭسىز قىزمەت ءۇشىن جاۋاپكەرشىلىكتى قاراستىرۋ, ب كورپۋسى مەملەكەتتىك قىزمەتشىلەرىنىڭ جالاقىسىن ارتتىرۋ جانە باسقا دا ماسەلەلەردى كوتەردى.
