فوتو: adyrna.kz
رۇستەمبەك وماروۆتىڭ ورىنداۋىنداعى حالىق كۇيى «اقساق قۇلان», قۇرمانعازىنىڭ «اقساق كيىك», «جيما», «ماشينا», «قىزىق قايىڭ», «سەرپەر», دينانىڭ «بايجۇما», كاۋەننىڭ ء«ساناۋ», ابىلدىڭ «ناراتۋ», ت.ب. كۇيلەرىنىڭ نۇسقالارى كەڭ تارالىپ, دومبىراشىلاردىڭ رەپەرتۋارىنا ەنگەن.
اتالعان كۇيشىنىڭ ورىنداۋ مانەرىن احمەت جۇبانوۆ وتە جوعارى باعالاپ, ءوزىنىڭ «عاسىرلار پەرنەسى» اتتى ەڭبەگىندە جازسا, ايگىلى كۇيشى دينا نۇرپەيىسوۆا وعان باتاسىن بەرگەن دەسەدى.
ر.وماروۆتىڭ قۇرمانعازى وركەسترىندە ۇستاعان كونە دومبىراسىن قىزى قارلىعاش وماروۆا اكەسىنىڭ 100 جىلدىق مەرەيتويىندا, 2019 جىلى, بۇقار جىراۋ اتىنداعى ادەبيەت جانە ونەر مۋزەيىنە تاپسىرىپتى. ال جەكە ۇستاعان دومبىراسى, وكىنىشكە قاراي, جوعالىپ كەتكەن ەكەن.
بۇل تۋرالى «Egemen Qazaqstan» گازەتىنىڭ ءتىلشىسى مۇرات قاپان ۇلى «داۋلەسكەر كۇيشىنىڭ دومبىراسى» اتتى ماقالاسىندا جازعان.
