فوتو: olympic.kz
بۇل تۋرالى كۇرەس فەدەراتسياسىنىڭء باسپاسوز قىزمەتىنەن ءمالىم بولدى.
«گرەك-ريم, ەركىن جانە ايەلدەر كۇرەسى فەدەراتسياسى» رەسپۋبليكالىق قوعامدىق بىرلەستىگى اتىنان قازاقستان سپورتىنىڭ جارقىن جۇلدىزى, كسرو-نىڭ ەڭبەك سىنىرگەن جاتتىقتىرۋشىسى, گرەك-ريم كۇرەسىنەن وليمپيادا ويىندارىنىڭ جەڭىمپازى, الەم چەمپيونى جاقسىلىق ۇشكەمپىروۆتىڭ العاشقى باپكەرى يلماتوۆ روم حاسانوۆيچ ومىردەن مەزگىلسىز وزۋىنا بايلانىستى كوڭىل ايتامىز. روم حاسانوۆيچ جوعارى دارەجەدەگى ۇلاعاتتى ۇستاز ءارى ادامگەرشىلىك قاسيەتتەرى مول جانى جايساڭ, بولمىسى بولەك ادام ەدى. ونىڭ اسىل مىنەزى مەن جەتىستىكتەرى بارشامىزدىڭ جادىمىزدا ماڭگى ساقتالادى», دەلىنگەن حابارلامادا.
بىلىكتى باپكەر 1936 جىلى شىعىس قازاقستان وبلىسى, بورودۋليحا اۋدانىندا دۇنيەگە كەلگەن. ول 26 اقپاندا 88 جاسقا تولعان بولاتىن.
ەسكە سالايىق, گرەك-ريم كۇرەسiنەن تۇڭعىش وليمپيادا چەمپيونى, الەم چەمپيونى, قازاقستاننىڭ ەڭبەك ەرi, «بارىس», «قۇرمەت» «پاراسات» وردەندەرىنىڭ يەگەرى جاقسىلىق ءامiرالi ۇلى ۇشكەمپiروۆ 2020 جىلى 2 تامىزدا قايتىس بولعان.
