فوتو: ءماجىلىستىڭ ءباسپاسوز قىزمەتى
قالادا «جايلى مەكتەپ» ۇلتتىق جوباسى اياسىندا 18 مەكتەپ سالۋ جوسپارلانعان. ونىڭ 17 300 ورىندىق 12-ءسى بيىل, قالعان 6 مەكتەپ 2025 جىلى پايدالانۋعا بەرىلەدى.
سايلاۋشىلارمەن كەزدەسۋ بارىسىندا دەپۋتات دانابەك يسابەكوۆ قۇرىلىستى دەر كەزىندە اياقتاپ, بالالاردىڭ ءبىلىم الۋىنا قولايلى جاعداي جاساۋدىڭ ماڭىزدىلىعىن اتاپ ءوتتى.
– ءبىز بالالارىمىزدىڭ ءبىلىم الۋى ءۇشىن زاماناۋي جانە قاۋىپسىز جاعداي جاساۋعا ۇمتىلامىز. «جايلى مەكتەپ» جوباسى اياسىندا سالىنعان مەكتەپتەر سوڭعى تەحنولوگيامەن جابدىقتالادى. ونىڭ ىشىندە ءموبيلدى ترانسفورماتسيالىق ۇستەلدەر, زاماناۋي زەرتحانالار جانە جوعارى جىلدامدىقتى ينتەرنەت بار. ءبىزدىڭ باستى مىندەتىمىز – وقۋشىلاردىڭ قاۋىپسىزدىگىن قامتاماسىز ەتۋ, ولاردىڭ جان-جاقتى دامۋىنا بارلىق جاعداي جاساۋ, – دەدى دانابەك يسابەكوۆ.
«جايلى مەكتەپ» جوباسى اياسىندا مەكتەپتەردى باستاۋىش جانە ورتا سىنىپتارعا ارنالعان جەكە بلوكتارمەن, امبەباپ اكت زالدارىمەن, بالالارعا ارنالعان جەكە شكافتارمەن, وقۋ-زەرتحانالىق جابدىقتارمەن, جوعارى جىلدامدىقتى ينتەرنەتپەن جابدىقتاۋ كوزدەلگەن. سونداي-اق فيزيكا, حيميا جانە بيولوگيا, روبوتتەحنيكا كابينەتتەرى مەن STEM-زەرتحانالارىن اشۋ جوسپارلانعان.
ايتا كەتەرلىگى, قاۋىپسىزدىك ماسەلەلەرىنە ەرەكشە كوڭىل بولىنەدى. مەكتەپ عيماراتتارى تەرروريستىك قاۋىپتەردىڭ الدىن الۋ ءۇشىن بەينەباقىلاۋ جانە دىبىستىق ەسكەرتۋ جۇيەلەرىمەن, سونداي-اق ەسىك پەن بلوكتى ق ۇلىپتاۋ فۋنكتسياسىمەن جابدىقتالادى. وقۋشىلاردىڭ سپورتپەن شۇعىلدانىپ, سالاۋاتتى ءومىر سالتىن ۇستانۋى ءۇشىن باستاۋىش جانە جوعارى سىنىپ وقۋشىلارىنا سپورت زالدارى مەن ءتۇرلى ويىن الاڭدارى سالىنادى. ءار مەكتەپتە ءوز كىتاپحاناسى, وقۋ زالى, ەلەكتروندى كىتاپحانا جانە ءار قاباتتا كوۆوركينگ الاڭدارى بولادى.
ەسكە سالا كەتەيىك, وتكەن جىلى «اماNات» پارتياسىنىڭ سايلاۋالدى باعدارلاماسى اياسىندا شىمكەنتتە 15 مەكتەپ سالىنىپ, 3 مەكتەپ كەڭەيتىلگەن بولاتىن.
