فوتو: kazgazeta.kz
بۇگىنگى تاڭدا «قازسۋشار», «نۇرا توپتىق سۋ قۇبىرى» جانە سۋ رەسۋرستارى جانە يرريگاتسيا مينيسترلىگىنىڭ ماماندارىن قوسقاندا ەلىمىزدىڭ سۋ سالاسىندا 10 مىڭنان استام ادام ەڭبەك ەتىپ ءجۇر.
وسى ورايدا سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ ەلىمىزدىڭ سۋ شارۋاشىلىعى قىزمەتكەرلەرىن قۇتتىقتادى.
«سۋ شارۋاشىلىعى سالاسىنىڭ بارلىق قىزمەتكەرىن كاسىبي مەرەكەمەن قۇتتىقتايمىن. قۇرمەتتى ارىپتەستەر, سىزدەرگە زور دەنساۋلىق, قاجىماس قايرات, قىزمەتتە تابىس جانە شاڭىراقتا باقىت-بەرەكە تىلەيمىن. سىزدەردىڭ كۇندەلىكتى جۇمىستارىڭىزدىڭ ارقاسىندا ەل ازاماتتارى تىرشىلىك نارىمەن, ال اۋىل شارۋاشىلىعى مەن ونەركاسىپ سالاسى ەل ەكونوميكاسىن دامىتۋ ءۇشىن قاجەتتى سۋ رەسۋرسىمەن قامتاماسىز ەتىلگەن. سۋ تاسقىنى كەزىندە تاۋلىك بويى جۇمىس ىستەگەن ماماندارعا ەرەكشە العىس بىلدىرەمىن. كليماتتىق جاعدايلارعا بايلانىستى بيىل ءتۇرلى قيىندىققا تاپ بولدىق. دەگەنمەن, سىزدەردىڭ كۇش-جىگەرلەرىڭىز بەن جانقيارلىق ەڭبەكتەرىڭىزدىڭ ارقاسىندا تاسقىن سۋىن قاۋىپسىز وتكىزىپ قانا قويماي, ەلىمىزدىڭ سۋ قويمالارىن تولتىردىق», دەدى نۇرجان نۇرجىگىتوۆ.
