دەپۋتات تولە بي داڭعىلىنداعى 11 ءۇيدىڭ قاسبەتتەرى مەن شاتىرلارىن جوندەۋ جۇمىسىمەن, 24 كوپقاباتتى ءۇيدىڭ كەسكىن-كەلبەتىن جاڭارتۋ بارىسىمەن دە تانىستى. سونداي-اق سەناتور تاراز قالاسىنداعى 2023 جىلى
7 256 ءۇي سۋمەن قامتاماسىز ەتىلگەن «قۇمشاعال», ء«شولدالا», «كازارما» ساياجايلارىنداعى ماگيسترالدىق سۋ قۇبىرىنىڭ قۇرىلىسىن كورىپ شىقتى. قازىرگى كەزدە ورتالىقتاندىرىلعان سۋمەن قامتاماسىز ەتىلگەن حالىقتىڭ ۇلەسى 97 پايىزعا دەيىن ءوسىپ وتىر. دەپۋتات بارلىق جۇمىستى ساپالى ورىنداۋ مەن اپاتتاردىڭ الدىن الۋ ءۇشىن ينفراقۇرىلىمدى جاڭعىرتۋدىڭ ماڭىزدىلىعىن اتاپ ءوتتى.
سەناتور بايزاق اۋدانىنداعى 45 ورىندىق اۋىلدىق دارىگەرلىك ەمدەۋ مەكەمەسىندە, سارىكەمەر اۋىلىنداعى دەنە شىنىقتىرۋ-ساۋىقتىرۋ كەشەنى مەن كوپتەرەك اۋىلدىق وكرۋگىندەگى 90 ورىندىق مادەنيەت ءۇيىنىڭ قۇرىلىسىن ارالادى. جەرگىلىكتى حالىقپەن كەزدەسۋ بارىسىندا دەپۋتات جەرگىلىكتى اتقارۋشى ورگاندار تاراپىنان قۇرىلىستى قاتاڭ باقىلاۋدىڭ, وسى جىلى نىسانداردى پايدالانۋعا بەرۋدى قامتاماسىز ەتۋدىڭ ماڭىزىن اتاپ ءوتتى.
