فوتو: gov.kz
«الەمدە بىردەي ويىنداردى نەمەسە زاتتاردى ءارتۇرلى تىلدەردە ءارتۇرلى اتاۋلارمەن كەزدەستىرۋگە بولاتىن جاعدايلار بار. مىسالى, اعىلشىندار «فۋتبول», يتالياندىقتار «كالچو», امەريكالىقتار «سوككەر» دەپ اتايدى. ەگەر ءبىز زياتكەرلىك ويىنداردىڭ ءبىرى شاحماتتى الساق, ونى كەيبىر ەلدەردە ونى «شاتران», تاعى ءبىرى «چەسس», ەندى ءبىرى «شاحمات» دەپ اتايدى», دەدى ت. دۇيسەنوۆا.
ۆيتسە-پرەمەر ا. كراسنوۆتىڭ, ن.پانتۋسوۆتىڭ, ب. كۋفتيننىڭ, ر. كارۋتستىڭ, م. بالاكاەۆتىڭ, ا. اقشوراەۆتىڭ, س. امانجولوۆتىڭ, س.تىلەۋباەۆتىڭ جانە باسقا دا كوپتەگەن عالىمداردىڭ, سونداي-اق م. اۋەزوۆتىڭ ەڭبەكتەرىندە بۇل ويىن «توعىزقۇمالاق» دەپ اتالاتىنىن ەسكە سالدى.
− «توعىزقۇمالاق» ويىنىنىڭ اتاۋىن وزگەرتۋ فەدەراتسيانىڭ دا, باسقا ۇيىمداردىڭ دا قۇزىرىنا كىرمەيدى. جوعارىدا ايتىلعانداردى ەسكەرە وتىرىپ, مىڭ جىلدىق تاريحى بار حالىقتىڭ مادەني مۇراسى سانالاتىن «توعىزقۇمالاق» ويىنىنىڭ اتاۋى سول كۇيىندە قالعانى دۇرىس دەپ ەسەپتەيمىز, – دەپ ناقتىلادى تامارا دۇيسەنوۆا.
ەسكە سالايىق, بۇعان دەيىن ءماجىلىس دەپۋتاتى گۇلدارا نۇرىموۆا «توعىزقۇمالاق» ويىنىنىڭ اتاۋىن «توعىزات» دەپ وزگەرتۋدى ۇسىنعان بولاتىن.
