فوتو: ۇقك
ۇلتتىق قاۋىپسىزدىك كوميتەتىنىڭ حابارلاۋىنشا, 21 ماۋسىمدا ماڭعىستاۋ وبلىسىندا 10 كەلى گاشيش وتكىزۋ كەزىندە قازاقستاننىڭ ەكى ازاماتى ۇستالدى. ءتىنتۋ كەزىندە ولاردان 50 گ اپيىن, 4 000 اقش دوللارى جانە 4 ملن تەڭگەدەن استام قاراجات تاركىلەندى.
«تۇزەۋ مەكەمەسىندە وتىرعان شەتەل ازاماتى ەسىرتكى ارناسىن ۇيىمداستىردى دەگەن كۇدىككە ءىلىندى. ونىڭ جويىلعان ەسىرتكى ارناسىنا قاتىستىلىق فاكتىسى قىزىلوردا وبلىسى بويىنشا قاجد-نىڭ كومەگىمەن قۇجاتتالدى», دەپ حابارلادى ۇقك ءباسپاسوز قىزمەتى.
اتالعان فاكتى بويىنشا قر قىلمىستىق كودەكستىڭ 297-بابىنىڭ 3-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتىلمەيدى.
