فوتو: وبلىس اكىمدىگى
شتاب وتىرىسىندا جايىق وزەنىنىڭ بەتون جاعالاۋى بويىنداعى قاپشىقتاردى جيناۋ ماسەلەسى قارالدى. جاسۇلان بيسەمبيەۆ جاعالاۋ اۋماقتارىندا ەندى سۋ باسۋ قاۋپى جوق ەكەنىن, جاعانى قورعانىس قۇرىلىستارىنان تازارتۋ مىندەتى تۇرعانىن اتاپ ءوتتى.
«وبلىس اكىمىنىڭ تاپسىرماسى بويىنشا جاعالاۋ 16 ۋچاسكەگە ءبولىنىپ, ءار ۋچاسكەگە جاۋاپتى تۇلعا جانە ۆەدومستۆولىق باعىنىستى ۇيىمدار بەكىتىلدى. بۇل تاجىريبە تيىمدىلىگىن كورسەتتى. جالپى وسى باعىتتا قالا اكىمدىگى تاراپىنان جۇمىستار جۇرگىزىلىپ جاتىر. دەگەنمەن ۋاقىتتى ءتيىمدى پايدالانىپ, جۇمىستى ساپالى جۇرگىزۋگە بىرلەسە اتسالىسۋىمىز كەرەك. نەگىزگى مىندەت – جاعالاۋداعى قاپتاردى الىپ, اۋماقتى تازالاۋ. جۇمىس ءبىر اپتا ىشىندە اياقتالۋى ءتيىس», دەپ قورىتىندىلادى ج.بيسەمبيەۆ.
