فوتو:azh.kz
ۇلتتىق ستاتيستيكا بيۋروسى جاريالاعان مالىمەتكە سايكەس 2024 جىلدىڭ قاڭتار-ماۋسىم ايلارىندا جالپى ءوسىم 106 072 ادامدى قۇرادى. جىل باسىندا ەلدە 20 033 841 حالىق بولعان. قۇجاتقا سايكەس 1 شىلدەدەگى جاعداي بويىنشا قازاقستاندا 20 139 914 ادام تۇرادى.
قالا حالقىنىڭ سانى - 12 552 583, اۋىل حالقى - 7 587 331 ادام.
بۇل رەتتە حالىقتىڭ ەڭ كوبى الماتىدا تۇرادى – مۇنداعى حالىق سانى 2,2 ميلليون ادامدى قۇرايدى.
ەكىنشى ورىندا 2,1 ميلليون تۇرعىنى بار تۇركىستان وبلىسى, ءۇشىنشى ورىندا 1,5 ميلليون تۇرعىنى بار الماتى وبلىسى.
سونىمەن قاتار ەلوردادا 1 464 415 ادام, شىمكەنتتە 1 236 901 ادام تۇرادى.
