فوتو: ۇكىمەت
موڭعوليا پرەزيدەنتى 3-4 شىلدەدە استانادا وتەتىن شىۇ سامميتىنە قاتىسادى.
موڭعوليا – 2004 جىلى شانحاي ىنتىماقتاستىق ۇيىمىندا باقىلاۋشى مارتەبەسىن العان العاشقى مەملەكەت. سول كەزدە بىرلەستىك گەوگرافيالىق تۇرعىدا كەڭەيە ءتۇستى, بۇل شىۇ-نىڭ حالىقارالىق بەدەلىنىڭ ارتۋىنا دالەل بولدى.
قازاقستان-موڭعول ىنتىماقتاستىعى اياسىندا ءداستۇرلى دوستىق ساياسي قاتىناستاردان باسقا, ساۋدا-ەكونوميكا سالاسىنداعى ءوزارا ءىس-قيمىل ەكىجاقتى ىنتىماقتاستىقتىڭ بەرىك نەگىزى ەكەنىن اتاپ وتكەن ءجون. 2023 جىلدىڭ قورىتىندىسى بويىنشا ەكىجاقتى تاۋار اينالىمى $133 ملن قۇرادى, بۇل 2022 جىلمەن سالىستىرعاندا 27,7%-عا ءوسىم كورسەتتى.
