فوتو: ەڭبەك جانە حالىقتى الەۋمەتتىك قورعاۋ مينيسترلىگى
«قۇجات جالپى بەلگىلەنگەن كۆوتا شەڭبەرىندە ميگرانتتاردى قابىلداۋدىڭ وڭىرلىك كۆوتاسىن ءدال وسىنداي سانعا قىسقارتۋ ارقىلى ميگرانتتاردى قابىلداۋدىڭ وڭىرلىك كۆوتاسىن 600 ادامعا ارتتىرۋدى كوزدەيدى», دەلىنگەن مينيسترلىكتىڭ حابارلاماسىندا.
وڭىرلىك كۆوتالاردى وزگەرتۋ قاجەتتىلىگى جۇمىس كۇشى تاپشى وڭىرلەرگە (سولتۇستىك وڭىرلەرگە) كەلەتىن ميگرانتتار سانىنىڭ ارتۋىنا بايلانىستى.
بۇيرىق جوباسى 16 شىلدەگە دەيىن قوعامدىق تالقىلاۋ ءۇشىن «اشىق نقا» پورتالىندا ورنالاستىرىلعان.
ەستەرىڭىزگە سالا كەتەيىك, ەڭبەك جانە حالىقتى الەۋمەتتىك قورعاۋ ءمينيسترىنىڭ بۇيرىعىمەن قانداستار مەن قونىس اۋدارۋشىلاردى قابىلداۋدىڭ 2024 جىلعا ارنالعان وڭىرلىك كۆوتاسى 9 483 ادام بولىپ بەلگىلەنگەن, بۇل وتكەن جىلمەن سالىستىرعاندا 554 ادامعا كوپ.
ايتا كەتەرلىگى, 2024 جىلدىڭ 1 ماۋسىمىنداعى جاعداي بويىنشا 7353 ەتنيكالىق قازاق تاريحي وتانىنا ورالىپ, قانداس مارتەبەسىن الدى. 1991 جىلدان بەرى رەسپۋبليكاعا بارلىعى 1 ميلليون 135,7 مىڭ ەتنيكالىق قازاق ورالدى.
