فوتو:gov.kz
«بۇگىن قازا تاپقانداردىڭ ءمايىتى ارنايى ۇشاقپەن وسكەمەنگە جەتكىزىلدى. شقو اكىمدىگى بالالاردىڭ تۋىستارىنا كومەك كورسەتۋ ءۇشىن جەدەل شتاب قۇردى, ونىڭ قۇرامىنا وبلىستاعى بارلىق قىزمەتتەردىڭ ماماندارى كىردى», دەلىنگەن وبلىس بيلىگىنىڭ حابارلاماسىندا.
جانازانى ۇيىمداستىرۋ مەن وتكىزۋدى جەرگىلىكتى اتقارۋشى ورگاندار مەن مەشىت ءوز موينىنا الدى. وڭىردەگى كاسىپورىندار مەن كاسىپكەرلەر دە وتباسىلارعا كومەك كورسەتۋگە دايىن ەكەندىكتەرىن جەتكىزدى.
قىرعىزستاننىڭ وش وبلىسىنىڭ نووكات اۋدانىندا 28 ماۋسىم كۇنى جويقىن سەل بولدى. لاي اعىنىنىڭ سالدارىنان جولدار مەن كوپىرلەر قيراپ, تۇرعىن ۇيلەر سۋ استىندا قالدى. شىعىس قازاقستان وبلىسى اكىمدىگىنىڭ ناقتىلاۋىنشا, قايتىس بولعانداردىڭ اراسىندا قىرعىزستانداعى تۋىستارىنا قوناققا بارعان قازاقستاندىق ءتورت بالا بار.
سونداي-اق «ابشىر-اتا» دەمالىس ايماعىنان 1400 دەمالۋشى ەۆاكۋاتسيالاندى. توتەنشە جاعداي جاريالاندى.
