24.kg ارناسىنا بۇل اقپاراتتى تجم داعدارىس جاعدايىنداعى باسقارۋ ورتالىعى باسشىسىنىڭ ورىنباسارى بايزاق وتوربەكوۆ راستادى.
- جەرگىلىكتى تۇرعىندارعا سىلتەمە جاساپ, ول ابشىر-اتا ەلدى مەكەنىندە وزەن جاعاسىندا التى ادام ساكىدە دەمالعانىن حابارلادى. بارلىعىن اعىن الىپ كەتتى. ءىىم قىزمەتكەرلەرى مەن جەرگىلىكتى تۇرعىندار بەس ادامنىڭ دەنەسىن تاپتى, - دەلىنگەن ماتەريالدا.
قازىرگى ۋاقىتتا تجم قىزمەتكەرلەرى سەلدىڭ سالدارىن جويۋ جۇمىستارىن جۇرگىزىپ جاتىر, قازا تاپقاندار مەن زارداپ شەككەندەردىڭ جەكە باسى انىقتالىپ جاتىر.
جويقىن سەل 28 ماۋسىمدا, كۇننىڭ ەكىنشى جارتىسىندا نووكات اۋدانىنا ءتۇستى. قاتتى جاڭبىردىڭ سالدارىنان ون اۋلانى سۋ باسىپ, ابشىر-اتا اۋىلىنداعى ەكى كوپىرگە زاقىم كەلدى. تەسكەي-قوجوكە اۋىلىندا 15 اۋلا مەن جەرگىلىكتى مەكتەپ زارداپ شەكتى. قارابۇلاق اۋىلىندا بالشىق اعىندارى كولىك پەن كوپىردى الىپ كەتتى. ءتاجى-قىشتاق اۋىلىندا جەتى اۋلا مەن بىرنەشە ساراي سۋ استىندا قالدى. وش-راززاكوۆا اۆتوجولىنداعى كوپىر ب ۇلىنگەن.
