فوتو: ا.بايجۇمانوۆ
نۇرتورە ءجۇسىپ قازاقستان پرەزيدەنتى قاسىم-جومارت توقاەۆتىڭ باستاماسىمەن ەلىمىزدە جۇزەگە اسىپ جاتقان اۋقىمدى ساياسي جاڭعىرتۋ باعدارلاماسى تۋرالى ايتىپ بەردى.
«2022 جىلى تاريحي كونستيتۋتسيالىق رەفەرەندۋم ءوتىپ, نەگىزگى بيلىك ينستيتۋتتارى جۇيەلى تۇردە قايتا جاڭعىرتىلدى. رەفورمالاردىڭ ناتيجەسىندە سەنات وڭىرلەردىڭ مۇددەلەرىن قورعايتىن پالاتا رەتىندە قالىپتاستى. قازىرگى تاڭدا پارلامەنت جۇمىسىنداعى نەگىزگى باسىمدىق – پرەزيدەنتىمىزدىڭ باستاماسىمەن جۇرگىزىلىپ جاتقان ساياسي جانە ەكونوميكالىق رەفورمالاردى زاڭنامالىق تۇرعىدان قامتاماسىز ەتۋ. پارلامەنت سوعان سايكەس بىرقاتار ماڭىزدى كونستيتۋتسيالىق زاڭدار قابىلدادى», دەدى نۇرتورە ءجۇسىپ.
تاراپتار پارلامەنتارالىق, ساۋدا-ەكونوميكالىق جانە مادەني ىنتىماقتاستىقتى دامىتۋدىڭ كەلەشەگىن دە تالقىلادى.
حامزا ماحمۋد يۋسەف ءال-وماري ءوز كەزەگىندە قازاقستاندا جۇرگىزىلىپ جاتقان قوعامدىق-ساياسي وزگەرىستەردى جوعارى باعالادى جانە قازاقستان مەن يوردانيا اراسىنداعى ىنتىماقتاستىقتى ودان ءارى نىعايتۋعا مۇددەلى ەكەنىن جەتكىزدى.
