فوتو: اقوردا
ايگۇل احانبايقىزى 1972 جىلى الماتى وبلىسى اقسۋ اۋدانى, ويتوعان اۋىلىندا تۋعان. 1979 جىلى سونداعى ءىلياس جانسۇگىروۆ اتىنداعى ورتا مەكتەپتىڭ تابالدىرىعىن اتتادى. 1989 جىلى الماتى قالاسىنداعى عابيت مۇسىرەپوۆ اتىنداعى №86 قازاق ورتا مەكتەبىن ءتامامدادى.
1990-95 جىلدارى ءال-فارابي اتىنداعى قازاق ۇلتتىق ۋنيۆەرسيتەتىندە جۋرناليستيكا ماماندىعى بويىنشا ءبىلىم الىپ, رەسپۋبليكالىق باسىلىمدارداعى قىزمەتىن باستادى. ستۋدەنت كەزىنەن الماتى وبلىستىق «جەتىسۋ» گازەتىندە ءتىلشى بولىپ ەڭبەك جولىن باستاعان ول, كەيىن «جاس الاش» رەسپۋبليكالىق قوعامدىق-ساياسي گازەتىندە, «قازاق ادەبيەتى», «ايقىن», «حالىق ءسوزى» گازەتتەرىندە ءبولىم رەداكتورى, باس رەداكتوردىڭ ورىنباسارى بولىپ جۇمىس ىستەدى. قازىر «Egemen Qazaqstan» گازەتىندە اعا ءتىلشى قىزمەتىن اتقارادى. «وقىرمان كۇتكەن اڭگىمە» اتتى كىتاپتىڭ اۆتورى.
ايتا كەتەيىك, بۇگىن مەملەكەت باسشىسى قاسىم-جومارت توقاەۆ ەلىمىزدەگى جۋرناليستيكا سالاسىنىڭ دامۋىنا ەلەۋلى ۇلەس قوسقان ءبىر توپ ازاماتتى مەملەكەتتىك ناگرادالارمەن ماراپاتتادى.
