فوتو:orda.kz
الەۋمەتتىك جەلىلەردە تۇندە قالادا اتىس بولىپ, سالدارىنان 21-24 جاستاعى جىگىتتەر جاراقات العانى تۋرالى اقپارات تاراپ ءجۇر. وقيعا ورنىندا ءبىر ادام قايتىس بولعانى انىقتالدى.
قوجاەۆتىڭ ايتۋىنشا, بۇگىن تاڭەرتەڭ ەكى ازامات وق جاراقاتى بەلگىلەرىمەن قالالىق اۋرۋحاناعا جەتكىزىلگەن.
«وكىنىشكە قاراي, ءبىر ادام كوز جۇمدى, اتىسقا قاتىسقان بارلىق ازامات انىقتالدى, قازىر ولاردى ۇستاۋ شارالارى جۇرگىزىلىپ جاتىر», دەدى ءمينيستردىڭ ورىنباسارى.
الماتى وبلىسىنىڭ پوليتسيا دەپارتامەنتى بۇل فاكتىگە قاتىستى قىلمىستىق ءىس قوزعالعانىن حابارلادى.
«كۇدىككە ىلىنگەن تۇلعالاردى ۇستاۋعا باعىتتالعان كەشەندى شارالار جۇرگىزىلىپ جاتىر. تەرگەۋ امالدارى وبلىستىق دەپارتامەنت باسشىلىعىنىڭ ەرەكشە باقىلاۋىنا الىندى», دەپ ءتۇسىندىردى پد ءباسپاسوز قىزمەتى.
جەلىدەگى اقپاراتتارعا سۇيەنسەك, 27 ماۋسىمعا قاراعان ءتۇنى قوناەۆ قالالىق كوپسالالى اۋرۋحاناسىنا 2000 جىلى تۋعان ەر ادام جەتكىزىلگەن. وق جاراقاتىن العان جابىرلەنۋشىگە شۇعىل وتا جاسالعان.
«ناۋقاس جانساقتاۋ بولىمىندە جاتىر, جاعدايى وتە اۋىر», دەلىنگەن وبلىستىق دەنساۋلىق ساقتاۋ باسقارماسى تاراتقان حابارلامادا.
