فوتو: اقوردا
كەزدەسۋ بارىسىندا پرەزيدەنت قاتاردى قازاقستاننىڭ ورتاق ماقساتتار مەن مۇراتتار بىرىكتىرەتىن ەڭ جاقىن سەرىكتەستەرىنىڭ ءبىرى رەتىندە اتادى.
مەملەكەت باسشىسى سوڭعى جىلدارى قازاقستان مەن قاتار ەكىجاقتى جانە كوپجاقتى كۇن ءتارتىبىنىڭ بارلىق باعىتى بويىنشا ەلەۋلى تابىسقا قول جەتكىزگەنىنە نازار اۋداردى. بۇعان قوسا, ەكى ەل بەرىك قۇقىقتىق بازا قالىپتاستىردى جانە بىرقاتار ءىرى ينۆەستيتسيالىق جوبانى جۇزەگە اسىردى.
سونىمەن قاتار قاسىم-جومارت توقاەۆ استانادا وتەتىن شىۇ ءسامميتىن قولداپ, قۇرمەتتى قوناق رەتىندە قاتىسۋعا نيەت تانىتقانى ءۇشىن قاتار ءامىرى شەيح ءتاميم بەن حاماد ءال تانيگە ريزاشىلىعىن ءبىلدىردى.
سونداي-اق قاتار ەلشىسى ابداللا بەن حۋسەين دجابەر قۇرمەت كورسەتكەنى ءۇشىن قاسىم-جومارت توقاەۆقا العىس ايتىپ, دوحانىڭ ەكى ەل اراسىنداعى سان قىرلى ىنتىماقتاستىقتى ودان ءارى قارقىندى دامىتۋعا بەيىلدى ەكەنىن راستادى.
كەزدەسۋدە ەكىجاقتى كۇن تارتىبىندەگى وزەكتى ماسەلەلەر, سونىڭ ىشىندە ساۋدا-ەكونوميكا, ەنەرگەتيكا جانە دەنساۋلىق ساقتاۋ سالالارىنداعى ىقپالداستىق پەرسپەكتيۆاسى تالقىلاندى.
