فوتو: facebook.com
ءومىرىنىڭ سوڭعى جىلدارىن اقش-تا وتكىزگەن باقىت كەنجەەۆ وقىرماندارىنىڭ ىقىلاسىنا بولەنگەن اقىندىق تالانتىمەن تانىمال بولعان.
«باقىت كەنجەەۆتىڭ تەگەۋرىندى پوەزياسىن جوعارى ادەبيەتتى سۇيەتىندەر جانىنا جاقىن تارتتى. باقىت شۇكىروللا ۇلى الەم ادەبيەتىنىڭ كلاسسيگىنە اينالدى. اقىننىڭ شىعارمالارى الەمنىڭ كوپتەگەن تىلىنە, سونىڭ ىشىندە قازاق تىلىنە دە اۋدارىلدى», دەپ جازدى بالاەۆا ءوز جازباسىندا.
مادەنيەت جانە اقپارات ءمينيسترى كەنجەەۆتىڭ وتباسى مەن جاقىندارىنا كوڭىل ايتتى.
اقىن 1950 جىلى شىمكەنت قالاسىندا دۇنيەگە كەلگەن. باقىت كەنجەەۆ - 20-دان استام پوەزيالىق جانە پروزالىق كىتاپتاردىڭ اۆتورى.
ايتا كەتەيىك, ول قازاقستاننان 1982 جىلى كەتىپ, اۋەلى كاناداعا قونىس اۋدارىپ, 2006 جىلى نيۋ-يورككە قونىستانعان ەدى.
