فوتو: مادەنيەت جانە اقپارات مينيسترلىگى
سالتاناتتى اشىلۋعا ەكى ەلدىڭ مەملەكەتتىك ورگاندارىنىڭ وكىلدەرى, شىعارماشىلىق جانە عىلىم سالاسىنداعى زيالىلار, سونداي-اق قوعام قايراتكەرلەرى قاتىستى.
قر مادەنيەت جانە اقپارات ۆيتسە-ءمينيسترى ەربول الىقۇلوۆ ءوز سوزىندە ماقتىمق ۇلى پىراعىنىڭ ايشىقتى ورىنىن اتاپ ءوتىپ, ونىڭ رۋحاني مۇراسى كۇللى تۇركى الەمىندەگى دوستىق پەن بەيبىتشىلىكتى ناسيحات ەتەتىنىن اتاپ ءوتتى.
ايتا كەتەيىك, ەرتەڭ مادەنيەت كۇندەرى اياسىندا قر ۇلتتىق اكادەميالىق كىتاپحاناسىندا تۇرىكمەنستان پرەزيدەنتى سەردار بەردىمۇحامەدوۆتىڭ «ماقتىمق ۇلى» كىتابىنىڭ تۇساۋكەسەرى وتەدى. سول كۇنى قاليبەك قۋانىشباەۆ اتىنداعى قازاق ۇلتتىق مۋزىكالىق دراما تەاترىندا تۇرىكمەنستاننىڭ حالىقتىق قولدانبالى ونەرى مەن مۇراجاي قۇندىلىقتارىنىڭ كورمەسى جانە گالا-كونتسەرت وتەدى.
سارسەنبىدە رەجيسسەر حەكىم الاۆوۆتىڭ «قىزىل الما» كوركەم ءفيلمىنىڭ كورسەتىلىمى, «اقىلگوي» مونوسپەكتاكلىنىڭ قويىلىمى جانە تۇرىكمەنستان ۇلتتىق كيىمدەرىنىڭ كورسەتىلىمى وتەدى.
27 ماۋسىم كۇنى ەكى ەلدىڭ ونەرپازدارى گالا-كونتسەرتتە ونەر كورسەتىپ, مادەنيەت كۇندەرىن اياقتايدى.