فوتو: اقوردا ءباسپاسوز قىزمەتى
پرەزيدەنت قاسىم-جومارت توقاەۆ ەۋروپاداعى قاۋىپسىزدىك جانە ىنتىماقتاستىق ۇيىمىنىڭ قازىرگى توراعاسى, مالتانىڭ سىرتقى, ەۋروپالىق ىستەر جانە ساۋدا ءمينيسترى يان بورچپەن كەزدەسۋ بارىسىندا ەكىجاقتى كۇن ءتارتىبىنىڭ وزەكتى ماسەلەلەرى, سونداي-اق ەقىۇ اياسىنداعى ىقپالداستىقتىڭ جاي-كۇيى تالقىلاندى.
مەملەكەت باسشىسىنىڭ ايتۋىنشا, ەقىۇ قاۋىپسىزدىككە تونەتىن قازىرگى سىن-قاتەرلەر جاعدايىندا ءبىزدىڭ ايماقتا جانە ودان تىس جەرلەردە بارلىق ءۇش ولشەم بويىنشا جوسپارلى جۇمىس جۇرگىزىپ جاتىر. سونداي-اق قاسىم-جومارت توقاەۆ 2010 جىلعى ەقىۇ ءسامميتىنىڭ استانا دەكلاراتسياسىندا بەكىتىلگەن ماقساتتارعا قول جەتكىزۋ ءۇشىن قازاقستان بارلىق تاراپپەن تىعىز ىنتىماقتاستىق جاساۋعا بەيىلدى ەكەنىن راستادى.
ء«بىز وسى ىزگى ماقساتتارعا جەتۋ ءۇشىن بار كۇش-جىگەرىمىزدى جۇمساۋعا, سونداي-اق جان-جاقتى ىنتىماقتاستىققا نەگىزدەلگەن قاۋىپسىزدىكتى قامتاماسىز ەتۋ ماقساتىندا ۇيىمعا توراعالىق ەتىپ وتىرعان مالتامەن بىرلەسكەن جۇمىستاردى جالعاستىرۋعا دايىنبىز», دەدى پرەزيدەنت.
كەزدەسۋ سوڭىندا مەملەكەت باسشىسى قاسىم-جومارت توقاەۆ مالتا پرەزيدەنتى ميريام سپيتەري دەبونوعا ىزگى تىلەگىن جولداپ, ەكىجاقتى قارىم-قاتىناستى نىعايتۋعا جانە قازاقستان مەن مالتا بايلانىستارىنا تىڭ سەرپىن بەرۋگە ءازىر ەكەنىن جەتكىزدى.
