فوتو: aqmeshit-aptalygy.kz
جارىستىڭ اشىلۋىندا وبلىستىق قوعامدىق دامۋ باسقارماسىنىڭ باسشىسى الماسبەك ەسماحانوۆ باق وكىلدەرىنىڭ باسىن قوسقان تۋرنير ماقساتى جۋرناليستەر اراسىنداعى ارىپتەستىك قارىم-قاتىناستى نىعايتىپ, سالاماتتى ءومىر سالتىن ناسيحاتتاۋ ەكەنىن اتاپ ءوتتى.
ءتۋرنيردىڭ العاشقى ويىنى جەتىسۋدان كەلگەن تىلشىلەر مەن شىمكەنتتىك جۋرناليستەر اراسىندا ءوتتى. بىلتىرعى جەڭىمپاز تالدىقورعاننىڭ «قارەكەتى» بيىل دا بابىندا ەكەن. ودان كەيىنگى ويىندا تۇركىستاندىق ارىپتەستەرمەن ويناعان قىزىلوردانىڭ «اقمەشىتى» باسىم ءتۇستى. «اتىراۋ-اقپارات» پەن اقتوبەلىك جۋرناليستەر اراسىنداعى ويىن دا تارتىستى ءوتتى.
ءداستۇرلى دودادا «قارەكەت», «اتىراۋ-اقپارات», «اقمەشىت» جانە «قالامگەر» كوماندالارى ىرىكتەلىپ شىقتى. فينالدا اتىراۋلىق ارىپتەستەرىنەن باسىم تۇسكەن «قارەكەت» كومانداسى قىزىلوردا وبلىسى اكىمىنىڭ كۋبوگى ءۇشىن وتكەن رەسپۋبليكالىق تۋرنير چەمپيونى اتانىپ, وبلىس اكىمىنىڭ ارنايى كۋبوگى مەن 1 000 000 تەڭگە يەلەندى.
ەكىنشى ورىن تۇعىرىنداعى «اتىراۋ-اقپارات» كومانداسىنا 700 مىڭ, قولا جۇلدەگەر اتانعان قىزىلوردالىق «اقمەشىت» كومانداسىنا 500 مىڭ, «قالامگەر» كومانداسىنا 150 مىڭ تەڭگە ىنتالاندىرۋ سىيلىعى تابىستالدى.
بۇدان بولەك جاقسى ويىن كورسەتكەن ارىپتەستەرگە «ۇزدىك شابۋىلشى», «ۇزدىك قورعاۋشى», «ۇزدىك قاقپاشى» جانە «ۇزدىك ويىنشى» اتالىمدارى بويىنشا ارنايى كۋبوك پەن قارجىلاي جۇلدەلەر تاپسىرىلدى.
قىزىلوردا
