فوتو: سەنات
دەپۋتاتتىڭ اقپاراتى بويىنشا, ەلىمىزدە قارتتار مەن مۇگەدەكتەرگە ارنالعان 118 الەۋمەتتىك ورتالىق جۇمىس ىستەيدى, فۋنكتسيالاردىڭ ماڭىزدىلىعىنا قاراماستان, قىزمەتكەرلەردىڭ جالاقىسى تومەن بولىپ وتىر. مىسالى, ەلوردالىق ورتالىقتا 10 جىلدان استام ەڭبەك ءوتىلى بار الەۋمەتتىك قىزمەتكەر ايىنا 155 مىڭ تەڭگە, ال تازالاۋشى 87 مىڭ تەڭگە الادى. ارناۋلى الەۋمەتتىك قىزمەتتەرگە مۇقتاج بالالاردى قولداۋ ورتالىعىندا جاعداي ۇقساس, تازالاۋشىنىڭ جالاقىسى 90 مىڭ تەڭگەنى, تاربيەشىنىڭ جالاقىسى 120 مىڭ تەڭگەنى, ال تاربيەشى كومەكشىسىنىڭ جالاقىسى 80-100 مىڭ تەڭگەنى قۇرايدى.
«مۇگەدەكتىگى بار, ءارتۇرلى دياگنوزداعى تاستاندى بالالارعا قامقورلىق جاساپ وتىرعان مەكەمە قىزمەتكەرلەرىنىڭ جۇمىسى وتە بەينەتتى, ءارى جاۋاپكەرشىلىگى مول جۇمىس. ولاردىڭ ەڭبەكاقى ماسەلەسى كۇردەلەنىپ تۇر. الەۋمەتتىك قىزمەت كورسەتۋ ورتالىقتارىنداعى قىزمەتكەرلەردىڭ بارلىعىندا ارنايى ستاتۋس بار دەپ ايتا المايمىز. بۇعان قوسا قىزمەتتىك ەرەكشەلىككە ساي ماماندارعا جۇكتەلەتىن قوسىمشا اۋىر جۇمىستار, اتاپ ايتقاندا, ناۋقاس بالالاردىڭ كۇتىمىنە فيزيكالىق ەڭبەكتىڭ كوبىرەك جۇمسالاتىندىعى, كەيبىر پسيحيكالىق دىمكاستىگى بار بالالاردىڭ تاربيەشىلەرگە كۇش كورسەتەتىندىگى, سوققىعا دەيىن جەتەتىن جاعدايلاردا قىزمەتكەرلەردىڭ قورعالماۋى دا كوپشىلىك بىلە بەرمەيتىن ماسەلە. الەۋمەتتىك قىزمەت كورسەتۋ ورتالىقتارىنداعى جالاقىنىڭ تومەندىگىنەن جانە الەۋمەتتىك قورعالماعاندىقتان, ورتالىقتارعا كاسىبي بىلىكتى مامانداردى جۇمىسقا تارتۋ مۇمكىندىگى دە جوق», دەپ اتاپ ءوتتى سەناتور.
