اۋا رايى • 19 ماۋسىم, 2024

اپتاپ ىستىقتىڭ بەتى قاشان قايتادى؟

230 رەت
كورسەتىلدى
1 مين
وقۋ ءۇشىن

«قازگيدرومەت» رمك سينوپتيكتەرى الداعى كۇندەرگە ارنالعان اۋا رايى بولجامىن ۇسىندى, دەپ حابارلايدى Egemen.kz.

اپتاپ ىستىقتىڭ بەتى قاشان قايتادى؟

فوتو: total.kz

مامانداردىڭ بولجامىنا سايكەس, الداعى كۇندەرى باتىس قازاقستانداعى اپتاپ ىستىقتىڭ بەتى قايتا باستايدى, 22 ماۋسىمدا اۋا تەمپەراتۋراسى جاۋىن-شاشىننىڭ ەسەبىنەن بۇرىنعى كليماتتىق قالىپقا ورالادى.

ەلدىڭ سولتۇستىگى مەن ورتالىعىندا جاۋىن-شاشىن توقتاپ, كەيىن قايتا جاڭبىر جاۋادى, دالىرەك ايتساق, نايزاعاي ويناپ, كەي ايماقتاردا بۇرشاق ارالاس جاڭبىر جاۋادى, قاتتى جەل سوعادى.

«قازاقستاننىڭ وڭتۇستىگىندە ءالى دە تۇراقسىز اۋا رايى ساقتالادى. ال ەلدىڭ شىعىس وڭىرلەرىندە كۇن رايى اشىق بولادى», دەيدى سينوپتيكتەر.

سوڭعى جاڭالىقتار