فوتو: muftyat.kz
ميسسياداعى دارىگەرلەر توبىنىڭ جەتەكشىسى ارداق ايتباي ۇلىنىڭ ايتۋىنشا, مەديتسينالىق ورتالىق كومەگىنە ماۋسىمنىڭ 14-16 كۇندەرى 703 قاجى جۇگىنگەن. ولاردىڭ قاتارىندا جۇرەك-قان تامىرلارى, جوعارى جانە تومەن تىنىس, اسقازان-ىشەك اۋرۋلارى, سونداي-اق باسقا دا (مازول جاراقاتى, اللەرگيا, كونيۋنكتيۆيت, ت.ب.) سىرقات بويىنشا 120 قاجى بىرنەشە رەت تەكسەرىلگەن.
«15 ماۋسىمدا مۇزداليفادا قان قىسىمى كوتەرىلگەن قاجىعا جەدەل العاشقى كومەك كورسەتىلىپ, دارىگەردىڭ باقىلاۋىمەن قوناقۇيگە جونەلتىلدى. 16 ماۋسىمدا مينا جازىعىندا ترانزيتورلىق يشەميالىق ۇستاما بويىنشا ءبىر قاجىعا العاشقى مەديتسينالىق كومەك كورسەتىلىپ, ستاتسيونارعا جاتقىزىلدى. جاماراتتا شايتانعا تاس لاقتىرىپ كەلە جاتقان جولدا قانتى تومەندەپ, ەسىنەن تانىپ جاتقان ايەل ادامعا تەز ارادا كومەك كورسەتىلىپ, ول دا ستاتسيونارعا جەتكىزىلدى», دەدى ا.ايتباي ۇلى.
قازىرگى ۋاقىتتا اتالعان ناۋقاستار دارىگەرلەردىڭ تولىق باقىلاۋىندا, جاعدايلارى بىرقالىپتى. ودان بولەك, ەلدەن جەتكىزىلگەن ءدارى-دارمەك قورى دا جەتكىلىكتى.
قازاقستان قاجىلىق ميسسياسى مەككەدە وتانداستارىمىز امان ەكەنىن حابارلادى.
