فوتو: storage.googleapis.com
جيىندى وتكىزۋگە جامبىل وبلىسى اقساقالدار كەڭەسى باستاماشى بولدى.
جاريا تالقىلاۋعا ءوڭىر تۇرعىندارى, جەرگىلىكتى قوعامدىق كەڭەستىڭ, ارداگەرلەر كەڭەسىنىڭ مۇشەلەرى, قر ەنەرگەتيكا مينيسترلىگىنىڭ, «قازاقستاندىق اتوم ەلەكتر ستانتسيالارى» جشس, «يادرولىق فيزيكا ينستيتۋتى» رمك, وبلىستىق جانە قالالىق ءماسليحاتتار, ۇەۇ, شاعىن, ورتا جانە ءىرى بيزنەس, باق وكىلدەرى, جەرگىلىكتى بەلسەندىلەر, ەنەرگەتيكتەر, جوعارى وقۋ ورىندارىنىڭ ستۋدەنتتەرى, وقىتۋشىلارى مەن عالىمدارى, ساياسي پارتيالار مەن ەتنومادەني بىرلەستىكتەر فيليالدارىنىڭ باسشىلارى جانە ت.ب. قاتىستى.
جيىندا قر ەنەرگەتيكا مينيسترلىگى, «قازاقستاندىق اتوم ەلەكتر ستانتسيالارى» جشس, «يادرولىق فيزيكا ينستيتۋتى» رمك وكىلدەرى بايانداما جاسادى.
سپيكەرلەر ءوز سوزىندە قازىرگى ۋاقىتتا قازاقستاننىڭ ەنەرگەتيكا سەكتورىنداعى باسىم باعىتتاردىڭ ءبىرى اتوم ەنەرگەتيكاسىن دامىتۋ بولىپ تابىلاتىنىن اتاپ ءوتتى. سونداي-اق, قازاقستاندا اەس سالۋ ەل ەكونوميكاسىن دامىتۋ ءۇشىن جاڭا مۇمكىندىكتەر اشۋعا, ەنەرگەتيكالىق جانە ونەركاسىپتىك ءوندىرىستى ارتاراپتاندىرۋعا, عىلىمدى دامىتۋعا جانە زاماناۋي تەحنولوگيالاردى ەنگىزۋگە, قورشاعان ورتاعا زياندى زاتتار شىعارىندىلارىن ازايتۋ ەسەبىنەن ەكولوگيالىق جۇكتەمەنى تومەندەتۋگە, جاڭا جۇمىس ورىندارىن قۇرۋعا جانە اتوم سالاسىنىڭ كادرلىق الەۋەتىن دامىتۋعا جانە ت.ب. مۇمكىندىك بەرەتىنىن ءتۇسىندىردى.
