فوتو: stan.kz
تۇركىستان وبلىسىندا شەگىرتكە زيانكەستەرىنە قارسى بارلىق قورعانىس شارالارى اياقتالدى, جاعداي تۇراقتاندى. بولجام بويىنشا, وڭىردە شەگىرتكەلەردىڭ تارالۋ اۋماعى 271,5 مىڭ گەكتاردى قۇرادى, ءىس جۇزىندە 340 مىڭنان استام گەكتار وڭدەلدى. اقتوبە وبلىسىندا 414 مىڭ گا, قوستاناي وبلىسىندا 140 مىڭ گا وڭدەلگەن.
اباي, الماتى, اتىراۋ, شىعىس قازاقستان, جەتىسۋ, باتىس قازاقستان وبلىستارىندا شەگىرتكە ۇيىرىنە قارسى حيميالىق وڭدەۋ جۇمىستارى جالعاسىپ جاتىر. جامبىل جانە قىزىلوردا وبلىستارىندا وڭدەۋ جۇمىستارى اياقتالدى.
اقمولا, قاراعاندى, پاۆلودار, سولتۇستىك قازاقستان جانە ۇلىتاۋ وبلىستارىندا يتاليالىق پرۋسقا, سونداي-اق اقتوبە, جامبىل, باتىس قازاقستان جانە قوستاناي وبلىستارىندا ازيالىق شەگىرتكەگە قارسى قورعاۋ شارالارى وڭدەۋگە جاتاتىن الاڭداردىڭ انىقتالۋىنا قاراي باستالادى.
جەدەل شتاب وتىرىسىنىڭ قورىتىندىسى بويىنشا ۆيتسە-پرەمەر اۋماقتارداعى مونيتورينگتى, حيميالىق وڭدەۋ ساپاسىن باقىلاۋدى كۇشەيتۋدى جانە تۇركىستان وبلىسىندا شىعارىلعان تەحنيكالاردى قورعاۋ شارالارى جالعاسىپ جاتقان وڭىرلەرگە جىبەرۋدى تاپسىردى.
