فوتو: ن.بايبۋلين
قازىرگى ۋاقىتتا اتالعان ورتالىق – قان قىزمەتى بويىنشا ەلىمىزدەگى جەتەكشى مەديتسينالىق ۇيىم, حالىققا شۇعىل جانە جوعارى مامانداندىرىلعان مەديتسينالىق كومەك كورسەتۋ كەزىندە ترانسفۋزيالىق تەراپيانىڭ قولجەتىمدىلىگى مەن ساپاسىن قامتاماسىز ەتەدى.
ماۋلەن اشىمباەۆ مەكەمە ۇجىمىمەن كەزدەسۋدە ترانسفۋزيولوگيا ورتالىعى – قازاقستانداعى قان قىزمەتىنىڭ فلاگمانى, ۇلتتىق دەنساۋلىق ساقتاۋ جۇيەسىنىڭ ترانسفۋزيالىق تەراپيانىڭ قاۋىپسىزدىگى مەن قولجەتىمدىلىگىن قامتاماسىز ەتەتىن ماڭىزدى تەتىگى ەكەنىن ايتتى.
ستاتيستيكاعا سايكەس, سوڭعى بەس جىلدا دونورلار سانى 14,4 پايىزعا, ال قان قۇيۋ كورسەتكىشى 13,6 پايىزعا ارتقان. جىل سايىن 380 مىڭنان استام قان قۇيۋ جۇرگىزىلەدى جانە 100 مىڭعا جۋىق پاتسيەنت ومىرلىك ماڭىزدى دونورلىق قان ونىمدەرىن الادى.
ەل پرەزيدەنتى جۇكتەگەن مىندەتتەردى ىسكە اسىرۋ شەڭبەرىندە دەنساۋلىق ساقتاۋ جۇيەسىن جەتىلدىرۋگە جانە اتالعان باعىتتاعى وزەكتى ماسەلەلەردى شەشۋگە ارنالعان ناقتى شارالار قابىلدانىپ جاتقانى بەلگىلى.
«پرەزيدەنتىمىزدىڭ باستاماسىمەن دەنساۋلىق ساقتاۋ سالاسىندا كەشەندى رەفورمالار جۇيەلى تۇردە جۇزەگە اسىرىلىپ جاتىر. تاياۋدا مەديتسينا قىزمەتكەرلەرىنىڭ مارتەبەسىن كوتەرۋ, ولاردىڭ ەڭبەك جاعدايىن جاقسارتۋ جانە قۇقىقتارىن قورعاۋدى كوزدەيتىن ءتيىستى زاڭ قابىلداندى. وسىنداي ناقتى قادامدار ترانسفۋزيولوگيا ورتالىعىنىڭ دا قىزمەتىنە وڭ اسەرىن تيگىزەدى دەپ سەنەمىز. سەنات ءوز تاراپىنان وتاندىق مەديتسينانى دامىتۋ ىسىنە زاڭنامالىق تۇرعىدان قولداۋ كورسەتۋدى جالعاستىرا بەرەدى. ادام دەنساۋلىعىن ساقتاۋ جولىنداعى بەلسەندى قىزمەتتەرىڭىز ءۇشىن سىزدەرگە زور العىسىمىزدى بىلدىرەمىز», دەي كەلە ماۋلەن اشىمباەۆ ورتالىق ۇجىمىن كەلە جاتقان كاسىبي مەرەكەلەرىمەن قۇتتىقتادى.
