فەتالدى حيرۋرگيا – مەديتسينانىڭ قازاقستاندا قولعا الىنىپ جاتقان مۇلدەم جاڭا باعىتى. جوبانى دەنساۋلىق ساقتاۋ مينيسترلىگى AYALA قايىرىمدىلىق قورىنىڭ قولداۋىمەن جۇزەگە اسىرىپ وتىر.
بۇگىن الماتىداعى پەريناتولوگيا جانە بالالار كارديوحيرۋرگياسى ورتالىعىندا ۇزاق جىلدار بويى فەتالدى وتالاردى تابىستى جۇزەگە اسىرىپ كەلە جاتقان رەسەيدىڭ جەتەكشى «انا مەن بالا» مەديتسينالىق ورتالىعىنىڭ حيرۋرگى م.ا.كۋرتسەر مەن ناتاليا ۆلاديميروۆنا كوسوۆتسوۆانىڭ, ەكاتەرينبۋرگ قالاسىنداعى انا مەن نارەستەنى قورعاۋ عزي حيرۋرگى اندرەي ەۆگەنەۆيچ بۋگەرەنكونىڭ قاتىسۋىمەن قازاقستانداعى العاشقى جاتىرىشىلىك پاتولوگيانى تۇزەتۋ بويىنشا پراكتيكالىق شەبەرلىك ساعاتى ءوتتى.
«دەنساۋلىق ساقتاۋ مينيسترلىگى بالالاردىڭ مۇگەدەك بولىپ تۋىن تومەندەتۋدى باستى مىندەت دەپ سانايدى. بۇل ءۇشىن فەتالدى حيرۋرگيا الەم بويىنشا ەڭ ماڭىزدى قۇرالداردىڭ ءبىرى بولىپ ەسەپتەلەدى. ءبىز كەيىنگى 30 جىلدىڭ ىشىندە فەتالدى وتالار سالاسى بويىنشا ەڭ وزىق الەمدىك تاجىريبەلەردى تالدادىق. بۇل بىلىمدەردىڭ بارلىعى قازاقستاندا العاش رەت ازىرلەنگەن فەتالدى حيرۋرگيانىڭ ستاندارتتارىنا نەگىز بولدى. پەريناتولوگيا جانە بالالار كارديوحيرۋرگياسى ورتالىعىنىڭ (الماتى) جانە UMC (استانا) دارىگەرلەرىنىڭ بريگادالارى قازاقستاندا جانە شەتەلدە فەتالدى حيرۋرگيا بويىنشا ۇزاق مەرزىمدى كۇردەلى تەوريالىق جانە پراكتيكالىق دايىندىقتان ءوتتى. سوندىقتان وتاندىق دەنساۋلىق ساقتاۋ سالاسى ءۇشىن بۇل اسا ماڭىزدى كۇن», دەپ اتاپ ءوتتى دەنساۋلىق ساقتاۋ ءمينيسترى اقمارال ءالنازاروۆا.
قازاقستاندا فەتالدى حيرۋرگيانى ىسكە قوسۋعا دايىندىقتى دەنساۋلىق ساقتاۋ مينيسترلىگى ەكى جىل بويى جۇرگىزدى. الماتىداعى پەريناتولوگيا جانە بالالار كارديوحيرۋرگياسى ورتالىعىنىڭ جانە استاناداعى UMC كق-نىڭ دارىگەرلەر توبى انىقتالدى.
«الماتى قالاسىنىڭ اكىمدىگى قوعامدىق دەنساۋلىق ساقتاۋ باسقارماسىنا ەلىمىزدىڭ ءىرى مەگاپوليسىنىڭ تۇرعىندارىنىڭ دەنساۋلىعىن نىعايتۋعا جانە بالالاردىڭ مۇگەدەك بولىپ تۋىن تومەندەتۋگە ىقپال ەتەتىن جاڭا وزىق مەديتسينالىق تاجىريبەلەردى ەنگىزۋگە باعىتتالعان جان-جاقتى قولداۋ كورسەتەدى», دەپ اتاپ ءوتتى الماتى قالاسى اكىمىنىڭ دەنساۋلىق ساقتاۋ ماسەلەلەرى جونىندەگى ورىنباسارى اسەم ءنۇسىپوۆا.
دەنساۋلىق ساقتاۋ مينيسترلىگى مەن AYALA قايىرىمدىلىق قورى دارىگەرلەردىڭ فەتالدى حيرۋرگيانىڭ وزىق شەتەلدىك ەمحانالاردا جەكە وقىتۋدى ۇيىمداستىرىپ, 10-نان استام پراكتيكالىق شەبەرلىك سىنىپتارى مەن سەمينارلارعا قاتىسۋىن قامتاماسىز ەتتى. سونىمەن قاتار قور وتكەن جىلى دارىگەرلەردىڭ يسپانيادا وتكەن دۇنيەجۇزىلىك ۇرىق حيرۋرگياسى كونگرەسىنە ساپارىن ۇيىمداستىردى.
«قازاقستاندا بالالاردىڭ مۇگەدەك بولىپ تۋىن تومەندەتۋ جونىندەگى – AYALA قورى ءۇشىن باستى مىندەت. ءبىز دەنساۋلىق ساقتاۋ مينيسترلىگىنە ەلىمىزدە فەتالدى حيرۋرگيانى ىسكە قوسۋعا جانە قالىپتاستىرۋعا كومەكتەسكەنىمىزگە قۋانىشتىمىز. 29,3 ميلليون تەڭگەدەن استام سوماعا پەريناتولوگيا جانە بالالار حيرۋرگياسى ورتالىعىنداعى ۇرىق حيرۋرگياسى بولىمشەسىن ارنايى مەديتسينالىق قۇرالدارمەن – لازەرمەن جانە فەتوسكوپتارمەن جابدىقتاۋعا كومەكتەسكەن قۇرمەتتى سەرىكتەسىمىز GASENERGY كومپانياسىنا العىس ايتامىن», دەپ اتاپ ءوتتى AYALA قايىرىمدىلىق قورىنىڭ نەگىزىن قالاۋشىسى ءارى پرەزيدەنتى ايدانا سۇلەيمەنوۆا.
فەتالدى مەديتسينا (فەتالدى حيرۋرگيا) – بۇل مەديتسينانىڭ قۇرساقتاعى ۇرىقتى ەمدەيتىن جوعارى مامانداندىرىلعان سالاسى. فەتالدى حيرۋرگياسى از ءينۆازيۆتى پروتسەدۋرالار ارقىلى ۇرىقتىڭ ەرتە پاتولوگيالىق جاعدايلارىن تۇزەتۋگە جانە ەمدەۋگە مۇمكىندىك بەرەتىن يننوۆاتسيالىق تەحنولوگيالارعا نەگىزدەلگەن.
«بۇگىن ءبىزدىڭ ورتالىق ءۇشىن عانا ەمەس, جالپى ەل ءۇشىن دە ايتۋلى كۇن. قازاقستاندا العاش رەت دەنساۋلىق ساقتاۋ مينيسترلىگىنىڭ, الماتى قالاسىنىڭ اكىمدىگى مەن قدب, سونداي-اق AYALA قايىرىمدىلىق قورىنىڭ قولداۋىمەن ءبىز فەتالدى حيرۋرگيانىڭ بەتاشار جوباسىن ەنگىزۋدى باستايمىز. فەتالدى حيرۋرگيا – بۇل ۇرىقتىڭ ءومىرى مەن دەنساۋلىعىنا تۋىلعانعا دەيىن ارالاسۋعا مۇمكىندىك بەرەتىن مەديتسينانىڭ يننوۆاتسيالىق سالاسى. بۇل ايەل ادامعا دۇنيەگە دەنى ساۋ بالانى اكەلىپ, باقىتتى انا بولۋعا مۇمكىندىك بەرەدى. ءبىزدىڭ ماماندار توبى يزرايل, رەسەي, يسپانيا, بەلارۋس جانە پورتۋگاليا سياقتى ەلدەردە ءبىلىم الىپ, جاڭا تەحنولوگيالاردى دايىنداۋ جانە يگەرۋ بويىنشا ۇلكەن جۇمىس اتقاردى.
جاتىرىشىلىك اقاۋلاردى ەمدەۋ بويىنشا جىلىنا شامامەن 150-گە جۋىق وتا جاسالادى دەپ جوسپارلاپ وتىرمىز. فەتالدى حيرۋرگيا جوباسى ءبىزدىڭ ورتالىقتىڭ دامۋىنداعى جانە ەلىمىزدىڭ انالارى مەن بالالارىنا مەديتسينالىق كومەكتىڭ ساپاسىن جاقسارتۋداعى جاڭا كەزەڭ بولادى», دەيدى الماتى قالاسىنداعى پەريناتولوگيا جانە بالالار كارديوحيرۋرگياسى ورتالىعىنىڭ ديرەكتورى گۇلنار نۇرلانوۆا.
جاقىن ارادا AYALA قورىنىڭ قولداۋىمەن استانادا UMC بازاسىندا مەديتسينا عىلىمدارىنىڭ دوكتورى جانە International Fetal Medicine and Surgery Society (IFMSS) مۇشەسى ناتاليا ۆلاديميروۆنا كوسوۆتسوۆانىڭ قاتىسۋىمەن فەتالدى حيرۋرگيا بويىنشا العاشقى پراكتيكالىق شەبەرلىك ساعاتى وتكىزىلەدى.
قازىرگى ۋاقىتتا از ءينۆازيۆتى ەندوسكوپيالىق (فەتوسكوپيالىق) وتالار اشىق حيرۋرگيانى الماستىرۋدا, ويتكەنى ولار انا مەن ۇرىقتىڭ اعزاسى ءۇشىن قاۋىپسىز. الەمنىڭ كوپتەگەن ەلدەرىندە قۇرساقىشىلىك ەمدەۋگە جاتاتىن ۇرىق اۋرۋلارىنىڭ اياسى جىلدان-جىلعا كەڭەيىپ كەلەدى, جاڭا تەحنولوگيالار ازىرلەنىپ جانە جەتىلدىرىلىپ جاتىر, تۋا بىتكەن جۇرەك اقاۋلارى, ديافراگما گرىجالارى جانە وجج اۋرۋلارىن قۇرساقتا جاتقان كەزىندە ەمدەۋ شارالارى بەلسەندى ەنگىزىلىپ, بۇگىنگى تاڭدا ۇلكەن جەتىستىكتەرگە جەتىپ وتىر.
