پەداگوگ كادرلارىنىڭ بىلىكتىلىگى مەن كاسىبي قۇزىرەتتىلىگىن ارتتىرۋدى ماقسات ەتكەن كۋرستى تىڭداۋعا 8 مەكتەپتەن 150-دەن استام مۇعالىم كەلدى.
قاۋىمداستىرىلعان پروفەسسور نۇرجامال وشانوۆا جۇرگىزگەن كۋرس جۇمىسىنا امانگۇل وراكوۆا, ازيا جۇماباەۆا, ساۋلە ابىشەۆا, ناعيما ءىلياسوۆا, سەرىك يۆاتوۆ, قالامپىر جۇماعۇلوۆا جانە شاحيسلام لايسحانوۆ سياقتى ءبىلىم بەرۋ سالاسىنداعى جەتەكشى ساراپشىلار, عىلىم دوكتورلارى, عىلىم كانديداتتارى مەن ۋنيۆەرسيتەت پروفەسسورلارى قاتىستى.
پانەلدىك سەسسيادا 10-نان استام تاقىرىپ تالقىلانىپ, ءبىلىم بەرۋدەگى ساپا مەنەدجمەنتى (TQM IS), بەلسەندى وقىتۋ ادىستەرى ارقىلى فۋنكتسيونالدىق ساۋاتتىلىقتى دامىتۋ, ەلەكتروندى تسيفرلىق ورتادا ورىس ءتىلى مەن ادەبيەتى وقۋلىقتارىن پايدالانۋ, «4ك مودەلى» جانە ديسكۋرستىق تالداۋ, مۇعالىمدەر مەن مەكتەپ وقۋشىلارىنىڭ عىلىمي-زەرتتەۋ جۇمىستارى, جاراتىلىستانۋ پاندەرى بويىنشا مەتاپاندىك قۇزىرەتتىلىكتەردى قالىپتاستىرۋ, گەوگرافيا مۇعالىمدەرىنە گەواقپاراتتىق ءبىلىم بەرۋ ماسەلەلەرى, ءبىلىم بەرۋدە جاساندى ينتەللەكتى (جي) پايدالانۋ, مەكتەپتەگى عىلىمي جوبالارداعى مالىمەتتەردى تالداۋعا قاتىستى تاقىرىپتار قامتىلدى. سونىمەن بىرگە لينگۆيستيكالىق ينتەرپرەتاتسيانىڭ وقىتۋ ادىستەمەسىندەگى ورنى, عىلىمدى دامىتۋ بويىنشا ءبىلىم, مەكتەپتە قاشىقتىقتان وقىتۋ ماتەريالدارىن پايدالانۋ, تسيفرلىق پەداگوگيكا جانە پەداگوگتىڭ IT قۇزىرەتتىلىگى سياقتى زاماناۋي تاقىرىپتار بويىنشا دا لەكتسيالار وقىلدى.
ساراپشىلار ءوز تاجىريبەلەرىمەن ءبولىسىپ, كاسىبي داعدىلار مەن ءبىلىمدى دامىتۋدىڭ نەگىزگى فاكتورلارىنا توقتالسا, قاتىسۋشىلار پەداگوگيكالىق پراكتيكاسىنا ەنگىزە الاتىن جاڭا ءبىلىمدى, ناقتى ادىستەردى مەڭگەرۋگە مۇمكىندىك الدى. اتالمىش كۋرستاردا جىل سوڭىنا دەيىن مىڭعا جۋىق پەداگوگ بىلىكتىلىگىن ارتتىراتىن بولادى.
الماتى
