ءجىتى تەكسەرىستىڭ وڭ ناتيجەسى

ينسپەكتسيانىڭ باستى ماق­سا­تى – اسكەري ينفرا­قۇ­رى­لىم مەن ءتيىستى بولىمشەلەردىڭ «بىر­لەس­تىك-2024» حا­لىق­­­ارالىق جەدەل-تاك­تي­كالىق كوماندالىق-شتابتىق وقۋ-جاتتىعۋىن وتكىزۋگە, سونداي-اق ازەر­بايجان, قىر­عىز­­­ستان, تا­جىك­ستان جانە وزبەكستان اسكەري كون­­­تين­گەنت­تە­رىن قابىلداۋعا دا­يىن­­­دىعىن باعالاۋ. وقۋ-جاتتى­عۋ­ «ويماشا» پوليگونىندا جانە ماڭ­­عىس­تاۋ وبلىسىنىڭ قارا­قيا ­اۋدانىنداعى توق­ماق مۇيىسىندە وتەدى. وندا قا­زىر­­دىڭ وزىندە قاجەتتى ينفرا­قۇ­­رى­لىم مەن شاتىرلى لاگەر دايىن.

قانىش ابۋباكىروۆ توقماق مۇيىسىندەگى «بىرلەس­تىك-2024» وقۋ-جات­تىعۋىنىڭ نەگىزگى ەپيزود­تا­رى­نىڭ ءبىرى­ وتە­تىن نىساندى كو­رىپ, شاتىرلى قالاشىقتى, باي­قاۋ مۇ­نا­­راسىن, اسكەري-ديپ­لو­ما­تيا­لىق كورپۋس پەن باق وكىل­دە­­رىن ور­نالاستىرۋعا ارنالعان ورىنداردى جاي­لاس­تى­رۋعا نۇس­قاۋ­لار بەردى.

سونداي-اق ول «باتىس» وڭىرلىك قولباسشىلىعى اسكەر­لە­­رى­نىڭ كو­مان­­دالىق پۋنكتىن, وقۋ-سۇڭگۋىر ورتالىعىن, اس­كەري-تەڭىز بازاسى­نىڭ كەمەلەردى ارقانداپ بايلاۋعا ار­نالعان پيرستەرىن, «جاڭاوزەن – بەينەۋ» اۆتوكولىك جو­لىنىڭ اۋەايلاق ۋچاسكەسىن ارالادى. بۇعان قوسا گەنەرال-لەيتەنانت ۇلتتىق كونتينگەنتتەر شتابىنىڭ, كا­زار­مالاردىڭ, شارۋاشىلىق جابدىقتاۋ پۋنكتتەرىنىڭ, اسحا­نالار مەن تۇرمىستىق قىزمەت كورسەتۋ دالالىق بول­مە­لەرىنىڭ تەحنيكالىق جاي-كۇيىن ءجىتى تەكسەردى. ەلەكتر قۋا­تىن بەرۋ, ءورت قاۋىپسىزدىگى, مەديتسينالىق جانە كولىكتىك قام­تا­ماسىز ەتۋ ماسەلەلەرىنە قاتىستى ناقتى تاپسىرمالار بەردى.