كرەاتيۆتى يندۋستريا قالاي دامىپ جاتىر؟

بىزدە ۇلتتىق ەكونوميكانى دا­مىتۋدا وزىندىك ۇلەسى بار كرەا­تيۆتى يندۋستريانىڭ ساۋ­لەت, ءسان, ونەر, مۋزىكا, ديزاين, كينو, IT-تەح­نولوگيا مەن  حالىق قولونەرى سە­كىل­دى  شىعارماشىلىق باعىتتارى جۇ­مىس ىستەيدى. بۇعان دەيىن اتالعان ەكونو­مي­كانىڭ ناقتى انىقتاماسى مەن تىزبەسى بولماعان. تەك ۇكىمەتتىڭ وتكەن جىلعى 6 ماۋسىمداعى №448 قاۋلىسىمەن وسى قىزمەت تۇرلەرىنىڭ تىزبەسى بەكىتىلدى. وعان 43 ەكونوميكالىق قىزمەتتىڭ جالپى جىكتەمەسى ەنگىزىلدى. قازىر 32 مىڭ كاسىپكەرلىك سۋبەكتىسىندە 300 مىڭعا تارتا ادام جۇمىس ىستەيدى. نەگىزگى كاپيتالعا سالىنعان ينۆەستيتسيا 35 ملرد تەڭگەگە جۋىق بولسا, ەل ەكونوميكاسىنا قوسقان ۇلەسى – شامامەن 2,7 پايىز.

جالپى, ۇلتتىق دامۋ جوسپارىندا جاڭا جۇمىس ورىندارىن قۇرىپ, كرەاتيۆتى ءھام ءبىلىمدى جاستاردى جۇ­مىس­­پەن قامتۋ مىندەتتەرى كوزدەلگەن. وعان قوسا, ۇلتتىق ەكونوميكا مينيستر­لىگى كرەاتيۆتى ين­دۋستريانى دامىتۋدا ءىجو-گە سالىمدى 3 پا­يىزعا, جۇمىسپەن قامتىلعانداردىڭ ۇلەسىن 4 پايىزعا دەيىن ۇلعايتىپ, شاعىن جانە ورتا بيزنەس سانىن 80 مىڭ بىرلىككە دەيىن جەتكىزۋگە, سونىمەن قاتار ءونىم ەكسپورتىن 200 ملن دوللارعا ارتتىرۋعا مۇمكىندىك بەرۋگە ءتيىس دەگەن بولجام جاسايدى. قالاي دەسەك تە الداعى جىلى كرەاتيۆتى يندۋستريانىڭ ەل ەكونوميكاسىنا قوسقان ۇلەسى 5 پايىزعا جەتۋى كەرەك.

تاياۋدا سانكت-پەتەربۋرگ قالاسىندا وتكەن حالىقارالىق ەكونوميكالىق فورۋمدا «شىعارماشىلىق باستامالار مەن مادەني مۇرا قوعامدىق قورى» ءوز جۇمىسىن تانىستىردى. ونداعى جالپى ماقسات – شىعارماشىلىق كاسىپكەرلىك سالاسىندا ءبىلىم بەرۋ, كونسالتينگتىك قىز­مەت كورسەتۋ, حالىقارالىق قىزمەتتەر­­دى ىلگەرىلەتۋ مەن وسى سالاداعى عىلىمي-زەرتتەۋ جانە تالداۋ قىزمەتتەرىن جا­ريالاۋ ارقىلى قازاقستان مەن ەۋرازيا­لىق ەكونوميكالىق وداق ەلدەرى (ەاەو) اراسىندا كرەاتيۆتى ەكونوميكا جانە كرەاتيۆتى يندۋستريانى دامىتۋعا جاۋاپ­تى ۇيىمدارمەن قاتارلاسا ءتيىمدى ىن­تى­ماقتاستىق قارىم-قاتىناس ورناتۋ. بۇل قور حالىقارالىق ەكونوميكالىق فورۋم اياسىندا رەسەي شىعارماشى­لىق يندۋستريا فەدەراتسياسىمەن ەكونوميكا سالاسىنداعى حالىقارالىق ىنتى­ماق­تاستىق تۋرالى كەلىسىمگە العاش رەت قول قويدى. كەلەشەكتە ەكى تاراپ ءوزارا تاجى­ريبە الماسۋدى, كاسىپكەرلەر اراسىندا شىعارماشىلىق جانە ىسكەرلىك بايلا­نىستى ودان ءارى نىعايتۋدى جوسپارلايدى.

«مۇنداي سەرىكتەستىك ەكى ەل اراسىندا بيزنەستى ءتيىمدى دامىتىپ قانا قويماي, حالىقارالىق نارىقتا ءوز پوزيتسياسىن ايقىنداۋعا مۇمكىندىك الادى. اتالعان سالانى دامىتۋ بويىنشا ۇسىنىستار, ستراتەگيالار مەن باعدارلامالاردى ازىرلەۋ ىنتىماقتاستىقتىڭ ماڭىزدى باعىتى بولماق», دەيدى قور نەگىزىن قالاۋشى, ساۋلەتشى دينا ابدراحمەت.

سونىمەن قاتار ەلارالىق ءبىلىم بەرۋ مەن اقپاراتتىق-ءتۇسىندىرۋ باستامالارىن دامىتۋ دا ويدا بار ەكەندىگىن جەتكىزدى.

رەسەي كرەاتيۆتى يندۋستريا فەدەرا­تسياسىنىڭ باس ديرەكتورى يگور ناما­كونوۆ قازىر ءارتۇرلى باعالاۋ بويىنشا, 2030 جىلعا قاراي ءىجو-ءنىڭ 10 پايىز­دان استامى الەمدىك كرەاتيۆتى سالالارعا تيەسىلى بولاتىندىعىن, ال شىعار­ما­شى­لىق ءوندىرىستىڭ ءوزى باتىستان بريكس-كە (برازيليا, رەسەي, ءۇندىستان, قىتاي جانە وڭتۇستىك افريكا رەسپۋبليكاسى, ت.ب.) مۇشە ەلدەرگە كوبىرەك اۋىسىپ جاتقانىن اتاپ ءوتتى.

فورۋم قازاقستان مەن رەسەي ارا­­سىن­داعى كرەاتيۆتى يندۋستريا­نى قولداۋدا حالىقارالىق ىنتىماقتاستىقتىڭ ال­عاش­قى ءارى تابىستى تاجىريبەسىنىڭ نەگى­زىن قالاعانداي. سونىمەن بىرگە, قور سترا­تەگيالىق باستامالار اگەنتتىگىمەن كەلى­سىمگە وتىرىپ, ەكى ەلدىڭ كرەاتيۆتى ەكونوميكاسىن زەرتتەۋ بويىنشا اقپاراتتىق الماسۋ, كرەاتيۆتى يندۋستريالاردى دامىتۋ, ستراتەگيالاردى ازىرلەۋ كەزىندە كەڭەسىپ, جوبالار مەن باعدارلامالاردى بىرلەسە جۇزەگە اسىراتىن بولدى. اتالعان اگەنتتىك قازىردىڭ وزىندە وتاندىق ارىپ­تەستەرىمەن شىعارماشىلىق يندۋستريانى دامى­تۋدىڭ وڭىرلىك ستاندارتىن ەنگىزۋ تاجىري­بەسىن بولىسۋگە دايىن.