فوتو:قر پارلامەنتى سەناتىنىڭ ءباسپاسوز قىزمەتى
قۇجات ءمىنىس جانە ءمىنىس-جەگىن باعىتتارىنداعى جىلقىلاردىڭ وتاندىق تۇقىمىنىڭ ءوسىمىن مولايتۋ, سونداي-اق ونىڭ قاسيەتتەرىن ساقتاي وتىرىپ, مال باسىن ۇلعايتۋعا جانە وسى باعىتتا اسىلداندىرۋ جۇمىستارىن جۇرگىزۋگە باعىتتالعان. زاڭدا اسىل تۇقىمدى جىلقىلاردى ءوسىرۋدى ىنتالاندىرۋ ماقساتىندا قازاقستان اۋماعىندا وسىرىلگەن ءمىنىس جانە ءمىنىس-جەگىن باعىتتارىنداعى جىلقىلاردىڭ وتاندىق تۇقىمدارىن ساقتاۋ جانە ءوسىمىن مولايتۋ ماقساتىندا جۇمسالعان شىعىنداردى وتەۋ كوزدەلدى.
سونىمەن قاتار زاڭنىڭ باستاپقى بولىگىندەگى «اسىل تۇقىمدى مال» جانە «تۇقىم ستاندارتى» ۇعىمدارىنا تۇزەتۋلەر ەنگىزىلەدى. وسىلايشا, تۇقىم ستاندارتىنا سايكەس كەلەتىن جانە رەسپۋبليكالىق پالاتادا تىركەلگەن تازا تۇقىمدى جانۋارلار عانا اسىل تۇقىمدى جانۋارعا جاتاتىن بولادى. فەنوتيپتىك جانە ءونىمدى كورسەتكىشكە قويىلاتىن مينيمالدى تالاپتار عانا ەمەس, سونىمەن قاتار باسقا كورسەتكىشتەر دە قامتىلاتىن «تۇقىم ستاندارتى» ۇعىمدارى ناقتىلانادى.
سەناتورلاردىڭ ايتۋىنشا, زاڭنىڭ قابىلدانۋى ەلىمىزدەگى اسىل تۇقىمدى وتاندىق جىلقىلاردىڭ ساقتالۋىنا جانە ولاردىڭ كوبەيۋىنە ىقپال ەتەدى.
كوميتەت مۇشەلەرى تالقىلاۋ قورىتىندىسى بويىنشا زاڭداردى پالاتا وتىرىسىندا قاراۋعا جىبەرۋ تۋرالى شەشىم قابىلدادى.
قىرمىزى جۇماعاليقىزى,
ەۇۋ ستۋدەنتى
