فوتو: سسB.KZ
بارلىق ءوتىنىم بىلدىرگەندەر ءۇشىن ىسكەرلىك نەگىزدەرىنە وقىتۋ, ونىڭ ىشىندە «جاسىل» تەحنولوگيالاردى قولدانا وتىرىپ, اۋىلدىق جەرلەردە بيزنەس جۇرگىزۋگە ارنالعان تەگىن قولجەتىمدى ءبىلىم https://ccb.kz, https://farmerschool.kz ۆەب-سايتتارىندا اشىق.
ايتا كەتەيىك, بۇل باعدارلاما قازاقستاندا 12 جىل قاتارىنان جۇمىس ىستەپ كەلەدى.
ءبىلىم العانى تۋرالى سەرتيفيكات العاننان كەيىن 2 مىڭنان باستاپ 4 مىڭ دوللارعا (تەڭگە تۇرىندە) دەيىن قايتارىمسىز گرانت بەرىلەتىن كونكۋرسقا قاتىسا الادى. ول ءۇشىن بايقاۋعا ەگجەي-تەگجەيلى بيزنەس-جوسپار ۇسىنۋ قاجەت. ءوتىنىش بەرۋ ەرەجەلەرى https://ccb.kz سايتىندا كورسەتىلگەن. بيىل باعدارلاما اياسى كەڭەيتىلگەندىكتەن, گرانتتار بايقاۋىنا تەك ايەلدەر عانا ەمەس, جاستار دا قاتىسا الادى.
«اۋىلدى قولداۋدىڭ مەملەكەتتىك شارالارى تۋرالى قاجەتتى اقپارات الۋ جانە ونى وڭىرلەردەگى اۋديتوريامىزعا جەتكىزۋ, قوعامدىق ۇيىمدار مەن بيزنەسپەن ىنتىماقتاستىققا ارقا سۇيەي وتىرىپ بىرلەسكەن باعدارلامالاردى جوسپارلاۋ ءۇشىن سەرىكتەستىكتىڭ بارلىق تاراپتارى ۇيلەسىمدى ارەكەت ەتۋى قاجەت», دەدى قازاقستاننىڭ اۋىل ايەلدەرى فورۋمى ۇيىمداستىرۋ كوميتەتىنىڭ ءتورايىمى مايرا ايسينا.
جوبانىڭ جاڭا ماۋسىمى ءداستۇر بويىنشا استانادا باعدارلاما ۇيىمداستىرۋشىلارى مەن سەرىكتەستەرىنىڭ, ايەلدەر ىستەرى جونىندەگى ۇلتتىق كوميسسياسىنىڭ, ەڭبەك جانە حالىقتى الەۋمەتتىك قورعاۋ, ەكونوميكالىق دامۋ جانە اۋىل شارۋاشىلىعى مينيسترلىكتەرىنىڭ وكىلدەرى, «اتامەكەن» ۇكپ مەن تاعى دا باسقالارى قاتىسقان كونفەرەنتسيادان باستاۋ الدى.
«بيىل ءبىز يننوۆاتسيالىق ءبىلىم بەرۋ پلاتفورمامىز – ccb.kz ۆەب-سايتىنا وقۋ باعدارلامالارىنىڭ جاڭا باعىتتارى مەن جاڭارتىلعان وقۋ مودۋلدەرىن قوستىق, بۇل ساباقتاردىڭ پراكتيكالىق ءمانىن بارىنشا ارتتىرۋ ءۇشىن قولدانبالى سيپاتىن كۇشەيتتىك. سونداي-اق بيىل العاش رەت تەك ايەلدەرگە عانا ەمەس, 18-30 جاس ارالىعىنداعى جاستارعا دا گرانتتار بايقاۋىن باستايمىز», دەيدى «Belesteri» جوباسىن «جاسىل ەكونوميكا جانە G-Global دامۋى ءۇشىن كواليتسياسى» زتب-مەن بىرگە جۇزەگە اسىرىپ جاتقان «الەۋمەتتىك ديناميكا» قوعامدىق قورىنىڭ ديرەكتورى ەلەنا وجگو.
سونىمەن قاتار ماجىلىستە اۋىلدىق ەلدى مەكەندەردى جۇمىسپەن قامتۋمەن قوسا, كاسىپكەرلىكتى دامىتۋعا قولداۋ كورسەتۋدىڭ وزەكتى ماسەلەلەرى تالقىلاندى.
سونداي-اق بيىل Belesteri جوباسىنىڭ اياسىندا «قازاقستان اۋىلدىق ايەلدەرىنىڭ فورۋمى» ءوز جۇمىسىن جالعاستىرادى: وڭىرلەردە ءتورت فورۋم, ال كۇزدە استانادا گرانتتىق بايقاۋدىڭ جەڭىمپازدارى ماراپاتتالاتىن قورىتىندى رەسپۋبليكالىق فورۋم وتەدى.
«Belesteri جوباسى قازاقستانداعى ايەلدەرگە وزدەرىنىڭ جانى قالايتىن كاسىپپەن اينالىسىپ, وتباسىلىق تابىستارىن ارتتىرۋ مۇمكىندىگىن ۇسىنادى. وسى 11 جىلدىڭ ىشىندە 100 مىڭعا جۋىق ايەلدى وقىتساق, ولاردىڭ جارتىسىنان استامى – وسى سوڭعى 4 جىلدا تانىمال بولعان ونلاين-وقىتۋعا قاتىستى. 2020-23 جىلدارداعى تۇلەكتەر قازاقستاندا 10 مىڭنان استام جۇمىس ورنىن قۇردى. بۇكىل ەلدەگى جۇزدەگەن قىز-كەلىنشەكتەر جاڭا وقۋ جىلىنىڭ باستالۋى مەن گرانتتار بايقاۋىن تاعاتسىزدانا كۇتىپ ءجۇر. بۇل – ءبىز ءۇشىن ەڭ ۇلكەن مويىنداۋ», دەيدى جوبا ۇيلەستىرۋشىسى الەكساندرا اككيرمان.
ەسكە سالا كەتەيىك, وتكەن جىلى جوبا ۇيلەستىرۋشىلەرى الەۋمەتتىك جوبالارى ءۇشىن بەدەلدى مەملەكەتتىك «پارىز» سىيلىعىنا يە بولدى. Belesteri قازاقستانداعى امەريكا ساۋدا پالاتاسى جىل سايىن وتكىزەتىن بايقاۋدا «قوعامعا قىزمەت ەتۋ – ءىرى كومپانيالاردىڭ جوبالارى» نوميناتسياسى بويىنشا ۇزدىك جوبا رەتىندە تانىلدى.
قىرمىزى جۇماعاليقىزى,
ەۇۋ ستۋدەنتى
