فوتو: Polisia.kz
10 ماۋسىمنان باستاپ جامبىل وبلىسى اۋماعىندا «اۆتوبۋس» جەدەل-پروفيلاكتيكالىق ءىس-شاراسى ءوتىپ جاتىر. ءبىرىنشى كۇنى پوليتسەيلەر جول قوزعالىسىن قاداعالاۋ كەزىندە قوعامدىق كولىك جۇرگىزۋشىلەرى جاساعان 131 جول ەرەجەسى بۇزۋشىلىعىن انىقتاعان.
«پوليتسيا قىزمەتكەرلەرى «باتىس ەۋروپا – باتىس قىتاي» تاسجولىنىڭ 350-شاقىرىمىندا الماتىدان تۇركىستان وبلىسىنا باعىت العان جالعان تىركەۋ نومىرلىك بەلگىمەن «Yutong» قالاارالىق اۆتوبۋستى باسقارعان 49 جاستاعى جۇرگىزۋشىنى انىقتادى. جولاۋشىلار اۆتوبۋسى ايىپ تۇراققا قويىلىپ, 36 جولاۋشى باسقا اۆتوبۋسپەن جەتكىزىلدى», دەلىنگەن مالىمەتتە.
سوت شەشىمىمەن قۇقىق بۇزۋشى ەكى تاۋلىككە قاماۋعا الىنىپ, ءبىر جىلعا جۇرگىزۋشى كۋالىگىنەن ايىرۋ تۇرىندە اكىمشىلىك جاۋاپكەرشىلىككە تارتىلدى.
ءبىرىنشى كۇنى ايىپ تۇراققا بارلىعى 12 قوعامدىق كولىك قويىلدى.
