فوتو: https://www.mbook.kz/media/8/items/26/index.html
ءمينيستردىڭ ايتۋىنشا, كوكجوتەل – ۆاكتسينامەن باسقارىلاتىن ينفەكتسيالاردىڭ ءبىرى, بارلىق مەملەكەت كوكجوتەلگە بايلانىستى ۆاكتسينانى بالالارعا ەگىپ, ەپيدەميولوگيالىق احۋالدى تۇراقتى ۇستاپ وتىر. بىلتىردان بەرى قازاقستاندا كوكجوتەلگە قاتىستى جاعدايدىڭ وسكەنى بايقالعان.
Inbusiness.kz سايتى جازعانداي, اۋرۋعا شالدىققان بالالاردىڭ 80 پايىزى ۆاكتسينانى الماعان.
«كوكجوتەلدىڭ اسقىنعان تۇرلەرى وتە اۋىر تۇردە وتەدى. ەمى دە قيىن. ازاماتتارىمىزدى بالالارىن وسى اۋرۋ تۇرىنە قارسى ۆاكتسينانى بەلسەندى الۋعا شاقىرامىز. قوسىمشا ۆاكتسيناتسيالاۋ ماسەلەسىندە تاعى قاراجات ءبولىندى. بىلتىرعى جىلدارى ۆاكتسيناتسيادان وتپەگەن بالالارىمىزدىڭ اراسىندا قوسىمشا ۆاكتسيناتسيالاۋ جۇمىستارى ءجۇرىپ جاتىر», دەدى دەنساۋلىق ساقتاۋ ءمينيسترى.
ونىڭ سوزىنشە, بۇل باعىتتا ءتۇسىندىرۋ جۇمىستارى ءالى دە كۇشەيتۋدى قاجەت ەتەدى.
«وكىنىشكە قاراي, قاراعاندى وبلىسىندا 9 ناۋرىز كۇنى ءبىر ءسابي كوكجوتەلدەن قايتىس بولدى. بالا 1 جاس 11 ايدا بولدى. بۇل جاعدايعا دسم تاراپىنان ساراپتاما جۇرگىزدىك. بىرىنشىدەن, بالا ۋاقىتى جەتپەي دۇنيەگە كەلگەن. ەكىنشىدەن, ەكپە الماعان جانە ەمحانا دەڭگەيىندە كوپ ءجۇرىپ قالعان, اۋرۋحاناعا كەش تۇسكەن. سوندىقتان ءتيىستى اسقىنۋلاردىڭ سەبەبىنەن بۇل بالاعا كومەكتەسە المادىق. كوكجوتەل جەڭىل وتەتىن اۋرۋ ەمەس», دەدى اقمارال ءالنازاروۆا.
