فوتو: kazgazeta.kz
مەملەكەتتىك قىزمەتشىلەر, كوممۋنالدىق مەكەمە, ءبىلىم بەرۋ ورىندارى, دەنساۋلىق ساقتاۋ ۇيىمدارى, «جاسىل ەل» جاساعى جانە كاسىپورىندار ۇجىمدارىنان قۇرالعان مىڭداعان ادام تازالىق شارالارىنا اتسالىسىپ, 120 توننا قوقىس شىعاردى.
ەلەكتر ەنەرگياسىمەن قامتۋشى كومپانيانىڭ ينجەنەرى جاسۇلان ىسقاقوۆ: «ساياباققا مەكەمەمىزدىڭ اتىنان 15 ادامداي كەلىپ وتىرمىز. سول بەلگىلەنگەن ۋچاسكەمىزدى ءبارىن تازالاپ, جيىستىرىپ جاتىرمىز. ەلىمىزدە ءاردايىم تازالىقتا, تارتىپتە بىرگە بولايىق!», دەدى.
«جاس ۇرپاققا ءبىز سياقتى ازاماتتار, ءبىزدىڭ بۋىن ۇلگى كورسەتۋى كەرەك. سول باعىتتا «تازا قازاقستان» اكتسياسى ءوتىپ جاتىر. ءبىز دە, قالا تۇرعىندارى قالانى تازا ۇستاۋىمىز كەرەك», دەدى وبلىستىق ءماسليحات دەپۋتاتى بيجان قالماعانبەتوۆ.
تازالىق شاراسىندا ساياباقتارداعى جۇرگىنشىلەر جولدارى تۇگەل تازارتىلدى. ەكولوگيالىق اكتسيا باستالعالى وڭىردە زاڭسىز قوقىس توگەتىن ورىندار ازايعان.
