كورمەگە قويىلعان بۇيىمدار ىشىندە كەزىندە ايتىسسۇيەر قاۋىمنىڭ كوزى ۇيرەنىپ قالعان قونىسباي اعانىڭ اق شاپانى, بوركى, دومبىراسى, بايانى بار. حالىق سۇيىسپەنشىلىگىنە بولەنگەن اقىننىڭ كوزىندەي بولعان قۇندى زاتتاردىڭ ءبارىن استانادان اقىننىڭ جارى ءمۇنيرا ماۋىتقانقىزى ارنايى الا كەلگەن.
«بۇل شاپاننىڭ ديزاينىن قونىستىڭ ءوزى جاساپ شىقتى. وسى استاناعا كوشىپ كەلگەن سوڭ تىگىلگەن شاپان. ىشىندە بەشپەتى, كويلەگى, شالبارى, اياقكيمى بار. ونىڭ ءبارىن ۇشاقپەن اكەلە المادىم. جالپى, قونىستىڭ ءوزى ۇستاعان, تۇتىنعان دۇنيەلەرى كوپ قوي. ولاردى قوستاناي مۋزەيى دە, ۇلتتىق مۋزەي دە سۇراپ جاتىر. ءوزىمىزدىڭ ايبەك تە اقىندار مەكتەبىن اشىپ جاتىرمىز دەدى, وعان دا ءبىراز زاتىن بەرۋىم كەرەك. جالپى, ول كىسى وتە ۇقىپتى بولاتىن. بارلىق زاتى ءوز ورنىندا تۇراتىن. ولەڭ جازعاندا دا, ويسىز ولەڭ جازىلمايتىن. جۇمىس ۇستەلىنىڭ ءۇستى جىپ-جيناقى, باسى ارتىق ءبىر قاعاز جاتپايتىن. اتىن اتاي بەرەيىن ەندى, اتام عوي, عافۋ اتامىزدىڭ ءوزى «تورعايدا مىقتى اقىن بار قونىس دەگەن, شەبەردەن اينالايىن ونى ىستەگەن» دەپ ايتىپ كەتتى عوي. قونىستىڭ بۇكىل بولمىسى وسى ەكى جولعا سىيىپ تۇر. قوستانايعا قونىستىڭ گارموشكاسىن دا الا كەلدىك. ونى ءوزى سولاقاي تارتاتىن. كەزىندە كىشكەنتاي قونىسقا وسى گارموشكانى الىپ بەرگەندە اۋىلدا تارتاتىن ادام تابىلماپتى. سودان اتام مارقۇم ءوز بەتىمەن سولاقاي تارتىپ ۇيرەنگەن, ءومىرىنىڭ سوڭىنا دەيىن سولاقاي تارتىپ كەتتى», دەدى اقىننىڭ جارى.
كورمەگە تورعايدىڭ توپجارعانى نۇرقان احمەتبەكوۆتىڭ 100 جىلدىعىندا قونىسباي اقىنعا تارتۋ ەتىلگەن قارا دومبىرا دا قويىلعان.
قوستاناي وبلىسى
