فوتولار: disk.yandex.kz
فەستيۆال اياسىندا 5-ءشى دۇنيەجۇزىلىك كوشپەلىلەر ويىندارى ستيلىندە بەزەندىرىلگەن قازاقستان تىككەن كيىز ءۇي تاماشالاندى.
4 كۇن وتەتىن فەستيۆالدە قازاق بالۋاندارى ءبىرجان قوساليەۆ پەن سىرىم ءىزباساروۆ اۋدارىسپاق سپورتى بويىنشا ونەر كورسەتتى. قوس بالۋان دا – قازاقستاننىڭ جانە ازيانىڭ بىرنەشە دۇركىن چەمپيونى, سونداي-اق 2-ءشى دۇنيەجۇزىلىك كوشپەلىلەر ويىندارىنىڭ جەڭىمپازدارى. سونىمەن قاتار ناريمان ءاسىمجان مەن ازات تۇلكىباي تۇركيا تورىندە ۇلتتىق سپورتىمىز تەڭگە ءىلۋدى تانىستىردى.
فەستيۆال شەڭبەرىندە بۇكىلالەمدىك ەتنوسپورت كونفەدەراتسياسىنىڭ پرەزيدەنتى نەدجمەتتين بيلال ەردوعان ۇلتتىق سپورت فەدەراتسيالارىنىڭ باسشىلارىمەن كەزدەستى.
كەزدەسۋ بارىسىندا قر ۇلتتىق سپورت قاۋىمداستىعىنىڭ پرەزيدەنتى يسلامبەك سالجانوۆ: «5-ءشى دۇنيەجۇزىلىك كوشپەلىلەر ويىندارىنا دايىندىق قارقىندى ءجۇرىپ جاتىر. قازىرگى ۋاقىتتا وعان 84 مەملەكەت قاتىساتىنىن راستادى. ءبىز بارلىق ەلدىڭ دەلەگاتسياسىن قىركۇيەكتە ءدۇبىرلى دودانى تاماشالاۋعا شاقىرامىز», دەدى.
بۇكىلالەمدىك ەتنوسپورت كونفەدەراتسياسى ءداستۇرلى سپورت تۇرلەرىن ساقتاي وتىرىپ, ولاردى دامىتۋ ماقساتىندا اتالعان فەستيۆالدى 6-شى جىل قاتارىنان وتكىزىپ كەلەدى.
