فوتو:aikyn.kz
كەنتاۋ قالاسىنىڭ تۇرعىندارى ارالدىڭ ەكولوگيالىق داعدارىس جاعدايىنا جاقىنداپ كەلە جاتقان قاۋىپتى ايماق ەكەنىنە الاڭدايدى. 2016 جىلدان باستاپ ولار كەنتاۋ مەن ونىڭ اينالاسىنداعى ەلدى مەكەندەردى توتەنشە ەكولوگيالىق جاعداي نەمەسە ەكولوگيالىق اپات ايماعى دەپ جاريالاۋ مۇمكىندىگىن بەلسەندى تۇردە تالقىلاپ كەلەدى. سەناتور مۇرات قادىربەك ەلىمىزدىڭ پرەمەر-مينيسترىنە جولداعان ساۋالىندا وسى ماسەلە تۋرالى ايتتى.
مۇرات قادىربەكتىڭ ايتۋىنشا, بۇگىنگى تاڭدا ەكولوگيالىق كودەكسكە سايكەس قۇرىلعان, كەنتاۋ قالاسى مەن ىرگەلەس ەلدى مەكەندەردى ەكولوگيالىق اپات ايماعى دەپ جاريالاۋ مۇمكىندىگىن قاراستىراتىن ارنايى كوميسسيا جۇمىس ىستەيدى.
«ەڭبەك جانە حالىقتى الەۋمەتتىك قورعاۋ مينيسترلىگى تۇركىستان وبلىسىنىڭ كەنتاۋ قالاسى مەن وعان ىرگەلەس ەلدى مەكەندەردىڭ اۋماعىن ەكولوگيالىق داعدارىس جاعدايىنا جاقىنداعان ايماققا كىرگىزۋ بويىنشا زاڭنامالىق ءتيىستى وزگەرىستەر ەنگىزۋ ءۇشىن ناقتى شارالار قابىلداۋى قاجەت. سونىمەن قاتار اتالعان اۋماقتا جەرگىلىكتى بيۋدجەتتەن قارجىلاندىرىلاتىن بيۋدجەتتىك مەكەمەلەردە جۇمىس ىستەيتىن قىزمەتكەرلەرگە ەكولوگيالىق ايماقتا تۇرعانى ءۇشىن الەۋمەتتىك اۋدارىمدارمەن قوسا رەسپۋبليكالىق بيۋدجەتتەن 20% ۇستەمەاقى قارجى قاراستىرۋ قاجەتتىگىن شەشۋگە ىقپال ەتۋىڭىزدى سۇرايمىز», دەدى سەناتور.
قىرمىزى جۇماعاليقىزى,
ەۇۋ ستۋدەنتى
