فوتو: senate.parlam.kz
سەنات سپيكەرىنىڭ ايتۋىنشا, بالالارعا ارناپ قازاق ءتىلدى كونتەنت جاساپ جۇرگەن جاندار بىرقاتار ماسەلەنىڭ بار ەكەنىن ايتقان. بۇل رەتتە ول قازاقشا كونتەنتتى ءجىتى باقىلاۋعا الىپ, الداعى ۋاقىتتا ءتيىستى تاراپتارمەن جۇمىس جالعاساتىنىن تىلگە تيەك ەتتى.
«كەشە كرەاتيۆتى يندۋستريا وكىلدەرىنىڭ فورۋمىنا قاتىستىق. سول جەردە قازاق تىلىندە بالالارعا ارنالعان كونتەنت جاساپ جۇرگەن ماماندار ءبىراز پروبلەمانى كوتەردى. ونىڭ ىشىندە قارجىلاندىرۋ, ماركەتينگ, اقپاراتتارعا قولجەتىمدىلىكتى قامتاماسىز ەتۋ سياقتى وزەكتى ماسەلەلەر بار. وسىعان بايلانىستى بۇگىن قارالىپ جاتقان زاڭ اياسىندا بالالارعا ارناپ قازاقشا كونتەنتتەر جاسايتىن جاستاردى, ۇجىمداردى قولداۋ تەتىكتەرىن دە نازارعا الۋىمىز كەرەك. مەملەكەت تاراپىنان كورسەتىلەتىن مۇنداي قولداۋ ءبىر رەتتىك ەمەس, جۇيەلى تۇردە بولۋعا ءتيىس. سەنات الداعى ۋاقىتتا وسى باعىتتا مۇددەلى تاراپتارمەن ءتيىستى جۇمىستى جالعاستىرادى», دەدى ماۋلەن اشىمباەۆ.
ەسكە سالا كەتەيىك, بۇگىن پالاتا وتىرىسىندا سەناتورلار «ماسس-مەديا تۋرالى» زاڭدى جانە وعان ىلەسپە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ماسس-مەديا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى», «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە ماسس-مەديا ماسەلەلەرى بويىنشا وزگەرىستەر ەنگىزۋ تۋرالى» زاڭداردى قاراپ, ماقۇلدادى.
قىرمىزى جۇماعاليقىزى,
ەۇۋ ستۋدەنتى
