«تۇرعىن ءۇي قۇرىلىس جيناق بانكى»

استانادا «اشىق ەسىك» كۇنىن وتكىزدى «قازاقستاننىڭ تۇرعىن ءۇي قۇرىلىس جيناق بانكى» استانادا «اشىق ەسىك» كۇنىن وتكىزدى. مەرەكەلىك شاراعا بانك تۇتىنۋشىلارى مەن سالىمشىلارى, بۇقارالىق اقپارات قۇرالدارىنىڭ جانە بانكتىڭ بىرقاتار سەرىكتەس كومپانيالارىنىڭ وكىلدەرى قاتىستى. بانككە كەلۋشىلەردى بۇل كۇنى قىزمەتكەرلەر فلەش-موب قويى­لىممەن قارسى الدى. ولار بانك قىزمەتى تۋرالى ولەڭ جولدارىمەن ۇيلەستىرىلگەن مۋزىكامەن بيلەپ تاڭعالدىرسا, ەندى ءبىرى قازاقى رۋحتاعى پاتريوتتىق ءاندى ناقىشىنا كەلتىرە ورىنداپ تامساندىردى. ارينە, مەرەكەلىك كوڭىل كۇي سىيلاعان دۋماندى شارانىڭ قىزۋىمەن ءجۇرىپ, بانك كەڭەسشىلەرى كەلۋشىلەرگە قىزمەت كورسەتۋدى دە ۇمىت قالدىرعان جوق. ماسەلەن, ءتيىمدى نەسيەمەن باسپانالى بولعىسى كەلگەندەرگە, مەملەكەتتىك باعدارلامامەن ءۇي الۋعا تالاپتانعاندارعا, پاتەر الۋدى الداعى ۋاقىتقا جوسپارلاپ اقشا جيناعاندارعا «تۇرعىن ءۇي قۇرىلىس جيناق بانكى» قىزمەتى تاپتىرماس مۇمكىندىك ەكەنىن كەلۋشىلەرگە ءتۇسىندىردى. سونداي-اق, بانك باسشىلارى شاراعا شاقىرىلعان جۋرناليستەرمەن سۇحباتتاسىپ, بانكتىڭ ارتىقشىلىقتارى جانە بولاشاققا جوسپارلارىمەن ءبولىستى. «اشىق ەسىك كۇنى» بانك قىزمەتى مەن تۇتىنۋشى اراسىنداعى بايلانىستى كەڭەيتە ءتۇسۋ ءۇشىن جاسا­لىپ وتىرعان ماڭىزدى قادام­داردىڭ ءبىرى. جالپى, بانك تاراپى­نان كۇندەلىكتى, ءداستۇرلى شارالار اتقارىلىپ جاتادى. مىسالى, ونىڭ قاتارىندا تۇتىنۋشىلارعا كۇندەلىكتى سارىنمەن قىزمەت كورسەتۋ بار. ياعني, كەڭسەدە قابىل­داۋ, ينتەرنەتتەگى سايتىمىز نەمەسە e-gov-پورتالى ارقىلى حالىقتى تارتۋ, ساۋدا ورتالىقتارىندا ورنالاسقان تەرمينالدار ارقىلى قىزمەتىمىزدى قولجەتىمدى ەتۋ تاعى باسقالاردى ايتساق بولادى. ال بۇگىنگىدەي ارنايى «اشىق ەسىك كۇندەرىن» وتكىزۋ ءبىز ءۇشىن دە, بانك قىزمەتىن تۇتىنۋشىلار ءۇشىن دە ايرىقشا ماڭىزى بار مەرەكەلىك, تانىمدىق-تۇسىندىرمەلىك شارا دەپ بىلەمىز. بۇل كۇنى بانكتىڭ بارلىق جۇرگىزىلىپ جاتقان ءىس-شارالارى حالىققا كەڭىنەن ءتۇسىندىرىلىپ, اقپارات كەڭىنەن تارايدى, ءتىپتى, بانك قىزمەتىن تۇتىنۋشىلاردىڭ كەز كەلگەن سۇراقتارىنا باسشى­لىقتاردان دا جاۋاپ الۋعا ءمۇم­كىندىك بار. بىزبەن پىكىرلەسىپ, بانك قىزمەتىمەن تانىسقىسى كەلگەندەرگە بۇل كۇنى ەسىگىمىز ايقارا اشىق», دەدى «قازاقستاننىڭ تۇرعىن ءۇي قۇرىلىس جيناق بانكى» اق باسقارۋشى ديرەكتورى ەرۇلان جاماۋباەۆ. سونداي-اق, ول قازىرگى كۇنى بانك قىزمەتىن تۇتىنۋشىلار سانى 500 مىڭعا جۋىقتاعانىن اتاپ ءوتتى. اسىرەسە, بيىلعى جىلدىڭ باسىنان بەرى ساناعاندا, بانك قىزمەتىن تۇتىنۋشىلار سانى ءۇش ەسەگە ارتقان. «بۇعان بىرنەشە سەبەپتەر اسەر ەتىپ وتىر دەپ ويلايمىز. بىرىنشىدەن, ءبىزدىڭ جالپى كەشەندى تۇردە جاساپ جاتقان ءىس-شارالارىمىزدىڭ ءبىرى حالىققا تاريفتەردى تومەندەتۋ, 2013 جىلدان بەرى تاريفتەرىمىز 30 پايىزعا دەيىن اۋىرتپالىعىن ازايتتى. وعان قوسا, 300 ءنومىرلى انىقتاما ورتالىعىن اشتىق. كەز كەلگەن ادام حابارلاسىپ ءبىزدىڭ بانك تۋرالى بۇكىل اقپاراتتى بىلۋىنە مۇمكىندىگى بار. «قازاقستاننىڭ تۇرعىن ءۇي قۇرىلىس جيناق بانكى» اق ءوز قىزمەتى مەن ونىڭ ساپاسىن ۇدايى جەتىلدىرىپ وتىرادى. ايتا كەتەتىن جايت, مەملەكەت تۇرعىن ءۇي قۇرىلىس جيناق بانكى سالىمشىلارىنىڭ دەپوزيتتەرىنە سىيلىقاقى تولەپ, تۇرعىن ءۇي قۇرىلىس جيناق جۇيە­سىنە قارجىلىق قولداۋ كورسەتەدى. سونىمەن قاتار, سايتىمىز دا قازىر جاڭارتىلدى. ول جەردە كەز كەلگەن ادام جەكە كابينەت اشىپ, «تۇرعىن ءۇي قۇرىلىس جيناق بانكىنە» سالىمشى بولا الادى. مەملەكەتتىك باعدارلامالارعا تىكەلەي ونلاين تۇردە تاپسىرىس بەرىپ, سول جەردە تىركەۋ نومىرىنە يە بولادى. بۇعان قوسا, بىزدە 750-گە جۋىق كونسۋلتانت-كەڭەسشى جۇمىس ىستەيدى. ولاردىڭ كوبى بانكتىڭ تىكەلەي قىزمەتكەرلەرى ەمەس, ءبىز­بەن كەلىسىمشارت جاساسقاندار. ولاردىڭ ءبارىنىڭ انىقتامالىق تەلەفوندارى بارلىق فيليالداردا ءىلۋلى تۇر, كەز كەلگەنىمەن بايلانىسىپ, كەڭەس الۋعا بولادى», دەدى ە.جاماۋباەۆ. بىلايعى كۇنى دە ادام قاراسى ۇزىلە قويمايتىن بانكتە بۇل كۇنى كەلۋشىلەر قاتارى ءتىپتى, كوپ بولدى. اسىرەسە, بانك قىزمەتىنە كوڭىلى تولعان تۇتىنۋشىلار مەن سالىمشىلار اشىق ەسىك كۇنى بولاتىنىنان الدىن الا قۇلاعدار بولسا كەرەك, ەشبىر شارۋاسى بولماسا دا ارنايى اتباسىن بۇرىپ, بانك قىزمەتكەرلەرىنە العىسىن ايتىپ, ىزگى نيەتتەرىن ءبىلدىرىپ جاتتى. ولاردىڭ قاتارىندا تانىمال تەلەجۇرگىزۋشى دينارا ءساتجان دا بار. «بۇگىنگى شاراعا قاتىسقانىما وتە قۋانىشتىمىن. بانكتىڭ ءتيىمدى قىزمەتتەرى مەن جەڭىلدىكتەرى تۋرالى كوپ ەستىدىم. قازىر ءوزىم دە وسى «تۇرعىن ءۇي قۇرىلىس جيناق بانكىنىڭ» سالىمشىسىمىن. ءاربىر ادام جايلى باسپاناعا قالتاسىنا ءتيىمدى, ىڭعايلى باعادا قول جەتكىزۋدى ارماندايدى, وسىنداي ارمانداردىڭ ورىندالۋىنا قول ۇشىن بەرىپ, حالىقتىڭ باسپاناعا دەگەن قاجەتتىلىگىن ۇتىمدى جولمەن قامتاماسىز ەتىپ وتىرعان بانككە راحمەت ايتامىز. بانككە از مولشەردەگى الدىن الا تولەم قاراجاتىن سالىپ, پاتەر الۋعا جەتەتىن ارزان نەسيە الۋعا بولادى. مەن وسىنى پايدالانىپ, الداعى ۋاقىتتا بانك سەرىكتەستەرىنىڭ ءبىرى «BI Group» كومپانياسىنىڭ ۇيلەرىنەن پاتەر الامىن», دەدى د.ءساتجان. بانك ۇجىمى دا ءوز كەزەگىندە تۇتىنۋشىلارىنا قۇرمەت كور­سەتۋدەن كەندە بولعان جوق. استانا قالاسىنداعى ورتالىق فيليالدىڭ ديرەكتورى ايجان تۇراقبايقىزى بانكتىڭ تۇراقتى كليەنتتەرى مەن سەنىمدى سەرىكتەستەرىن «العىس حاتپەن» ماراپاتتاپ, سىيلىقتار تابىس ەتتى. «تۇرعىن ءۇي قۇرىلىس جيناق بانكى» قازاقستانداعى باس­پانا الۋعا ارنالعان ەڭ جۇيەلى, قولجەتىمدى جۇيە. بۇگىنگى كۇنى بىزگە سەنىم ءبىلدىرىپ, باسپانا الۋعا نيەت تانىتقان كليەنتتەرىمىزدىڭ قاتارى كوپ. بۇگىنگى شارادا بىزبەن ءاردايىم بىرلەسە جۇمىس اتقارىپ كەلە جاتقان سەرىكتەستەرىمىز بەن كليەنتتەرىمىزدى كورگەنىمىزگە قۋانىشتىمىز», دەدى قۇتتىقتاۋ سوزىندە ا.تۇراقباەۆا. «قازاقستاننىڭ تۇرعىن ءۇي قۇرىلىس جيناق بانكى» – ەلىمىزدەگى تۇرعىن ءۇي قۇرىلىس جيناق جۇيەسىن جۇزەگە اسىراتىن بىردەن-ءبىر بانك. نەگىزىنەن تۇرعىن ءۇي قۇرىلىس جيناق جۇيەسى سالىمشىلاردىڭ اقشاسىن تۇرعىن ءۇي قۇرىلىس دەپوزيتتەرىنە تارتۋ جانە ولارعا تۇرعىن ءۇي زاەمدارىن بەرۋ ارقى­لى حالىقتىڭ تۇرعىن ءۇي جاع­دايىن جاقسارتۋعا باعىتتالعان. مالىمەتتەرگە سۇيەنسەك, جۇيە جۇمىس ىستەي باستاعاننان بەرى 2015 جىلدىڭ 1 ساۋىردەگى جاعداي بويىنشا بانك جالپى سوماسى 1 544,0 ملرد. تەڭگە بولاتىن 710 799 تقج شارتىن جاساعان, سالىمشىلار جيناعى 268,0 ملرد. تەڭگەنى قۇراپ, 345,0 ملرد. تەڭگە سوماسىندا 83 186 زاەم بەرىلگەن. ايتپاقشى, شارا بارىسىندا ءمالىم بولعانداي, بۇگىنگى كۇنى بانكتىڭ استانا قالالىق فيليالىنىڭ ورتالىق كەڭسەسىندە ءار جەتىنشى كەلىسىمشارت, ءار بەسىنشى زايم جاسالادى ەكەن. ال مۇنداي اشىق ەسىك كۇندەرىنەن سوڭ سالىمشىلار قاتارى ودان ءارى ارتارىنا سەنىم مول. دينارا بىتىكوۆا, «ەگەمەن قازاقستان».