اقتوبەدە مۇگەدەكتەرگە ارنالعان ساۋىقتىرۋ ورتالىعى اشىلدى

اقتوبە. 16 قاڭتار. اقتوبە وبلىسى بايعانين اۋدانىنىڭ ورتالىعىندا مۇمكىندىگى شەكتەۋلى جاندارعا ارنالعان العاشقى ساۋىقتىرۋ ورتالىعى اشىلدى. بۇل تۋرالى egemen.kz ءتىلشىسى حابارلادى. ونى اشقان نۇرىم نۇرلان وسىدان ءتورت جىل بۇرىن ينسۋلتكە شالدىعىپ, قوزعالۋ قابىلەتىنەن ايىرىلعان ەدى. الايدا, ول ءومىردىڭ الدان توسقان اۋىرتپالىعىنا مويىماي, ءىى توپتاعى مۇگەدەك بولسا دا قول قۋسىرىپ قاراپ وتىرماي كاسىپكەرلىككە بەت بۇردى. الدىمەن جوبا جاساپ «دامۋ» كاسىپكەرلىكتى دامىتۋ قورى ارقىلى 1 ميلليون 250 مىڭ تەڭگە نەسيە الدى. بۇل قاراجاتقا قۇرىلعىلار ساتىپ الىپ, ءوزى تۇراتىن ءۇيدىڭ اۋلاسىنان ورتالىق اشتى.  مۇمكىندىگى شەكتەۋلى جاندار وسى جەرگە كەلىپ, دەنەشىنىقتىرۋمەن اينالىسادى. قازىر ورتالىقتا التى جاتتىعۋ قوندىرعىسى بار. ورتالىقتا جۇگىرۋ جولاعى, ۆەلوسيپەد, شاڭعى, بالتىردى شىنىقتىرۋ قۇرىلعىسى, باسپالداق, بەلگە ارنالعان قۇرىلعى جانە جەلكە مەن ساۋساقتارعا ارنالعان ماسساجەرلار ورناتىلعان. كاسىپكەردىڭ جولداسى ا.نۇرلانوۆانىڭ ايتۋىنشا, «دامۋ»  قورىنان العان نەسيەگە  ورتالىقتىڭ عيماراتىن تۇرعىزىپ, اقتوبە قالاسىنداعى «سپورت  ماستەر» ساۋدا دۇكەنىنەن جاتتىعۋ قۇرالدارىن العان. قۇرىلعىلاردىڭ ءبىرى ينسۋلتقا شالدىققان ناۋقاستاردىڭ قان تامىرىن رەتتەسە, ەكىنشىسى جۇرەك جۇمىسىن جاقسارتادى. ناۋقاس جاندار مۇندا اۋدانداق اۋرۋحانا جانە ەمحانا دارىگەرلەرىنىڭ جولداماسى ارقىلى قابىلدانادى ەكەن. اۋدانداعى ساۋىقتىرۋ ورتالىعىنا  مۇمكىندىگى شەكتەۋلى جاندارمەن بىرگە, سالاماتتى ءومىر سالتىن ۇستانۋشىلاردىڭ دا كەلۋىنە بولادى. ساتىبالدى ءساۋىرباي. دەرەك: egemen.kz. سۋرەت: body4me.ru.