فوتو: استانا قالاسى اكىمدىگى
ۆەلوشەرۋدە ءسوز العان №6 بالالار مەن جاسوسپىرىمدەردىڭ مامانداندىرىلعان وليمپيادالىق رەزەرۆ سپورت مەكتەبىنىڭ باسشىسى باۋىرجان ۋتەگەنوۆ: «قاي حالىقتىڭ بولماسىن ەلدىگىن, سالت-ءداستۇرىن بولاشاققا اپاراتىن جاس ۇرپاق. مەملەكەت باسشىسى «بالالارعا ەرەكشە نازار اۋدارۋ كەرەك. سەبەبى ولاردىڭ اماندىعى – مەملەكەتىمىزدىڭ جارقىن بولاشاعىنىڭ سەنىمدى كەپىلى», دەپ ايتقان بولاتىن. ەلىمىزدە ەرەكشە بالالاردى قوسىمشا بىلىممەن جانە سپورتپەن قامتاماسىز ەتۋ باعىتىنا دەن قويىلىپ, بارلىق جاعداي جاسالىپ كەلەدى. بالالاردىڭ سپورتتىق الەۋەتىن دامىتۋعا, ولاردىڭ قوعامنان شەت قالماي, تەڭ دارەجەدە بارشا مۇمكىندىكتەرگە قول جەتكىزە الۋىندا بۇگىنگى شارانىڭ ماڭىزى زور», دەدى.
شاراعا 50-گە جۋىق ەرەكشە بالالار مەن ولاردىڭ اتا-انالارى قاتىستى. ولار 5 جانە 10 كم قاشىقتىقتاردى «ۇركەر» (يلينكا) تۇرعىن الابىنىڭ ساياباعىنان باستاپ باعىندىردى.
بۇقارالىق ۆەلوشەرۋگە نەمەرەسى اميرا كاليەۆانى قولداۋعا كەلگەن رىستى كابدۋللينا العىسىن ءبىلدىردى.
«مۇندا وزدەرىنىڭ بالالارىن, نەمەرەرەلەرىن قولداۋعا كوپتەگەن جاندار كەلىپ وتىر. ءبارىمىز تولقىپ تۇرمىز. بۇل ەرەكشە مۇمكىندىكتەرى بار بالالار اراسىندا ءوتىپ جاتقان العاشقى جارىس. قالا اكىمدىگىنە ريزاشىلىعىمدى بىلدىرەمىن. ءبىز ءۇشىن بۇل جارىس ەمەس, مەرەكەلىك ءىس-شارا», دەيدى رىستى اجە.
ۆەلوشەرۋدىڭ سوڭىندا ءار قاتىسۋشى مەدالمەن جانە «ليمپوپو» سپورتتىق دۇكەنى ۇسىنعان سەرتيفيكاتتارمەن ماراپاتتالدى.
