فوتو: Gov.kz
ناريمان ءجۇنىسوۆ پەن بالىق شارۋاشىلىعى رەسۋرستارى جانە بالىق شارۋاشىلىعىن رەتتەۋ باسقارماسىنىڭ بۇرىنعى باسشىسىنا ەكى باپ بويىنشا ايىپ تاعىلدى.
ءبىرىنشى ەپيزود بويىنشا - 2021 جىلدان 2024 جىلعا دەيىن سوتتالۋشىلار ۇيىمنىڭ ۆەدومستۆولىق باعىنىستى كوميتەتىنىڭ باس ديرەكتورىنان جالپى قامقورلىعى ءۇشىن 1,5 ملن تەڭگە سوماسىندا بانكتىك اۋدارىمدار ارقىلى قاراجات تۇرىندەگى پارا الدى.
ەكىنشى ەپيزود بويىنشا – جەكە كومپانيا ديرەكتورىنان بانكتىك اۋدارىم ارقىلى كومپانيا قىزمەتىن قورعاعانى ءۇشىن 2 ملن تەڭگە اقشا الىندى.
«سوت تالقىلاۋى بارىسىندا سوتتالۋشىلار كىناسىن مويىنداپ, جاساعان ىسىنە وكىنىش ءبىلدىردى», دەلىنگەن سوت حابارلاماسىندا.
بۇل باپ بويىنشا پارانىڭ 60-70 ەسەلەنگەن مولشەرىندە ايىپپۇل سالۋ نەمەسە جەتى جىلدان 12 جىلعا دەيىن باس بوستاندىعىنان ايىرۋ جازاسى قاراستىرىلعان. بىراق سوت جاسالعان قىلمىستىڭ اۋىرلىعىن جانە باپتىڭ سانكتسياسىندا كوزدەلگەن ەڭ تومەنگى ايىپپۇلدى سوت بەلگىلەگەن مەرزىمدە تولەۋدىڭ مۇمكىن ەمەستىگىن ەسكەردى. سوندىقتان جازا رەتىندە ايىپپۇل سالۋ الىنىپ تاستالدى.
«قىلمىستىق جاۋاپتىلىق پەن جازانى جەڭىلدەتەتىن, قىلمىستىق قۇقىق بۇزۋشىلىقتى اشۋعا جانە جاس بالالاردىڭ بولۋىنا بەلسەندى ىقپال ەتەتىن جاعدايلارعا قاراماستان, كوميتەتتىڭ بۇرىنعى توراعاسى مەن باسقارما باسشىسى مەملەكەتتىك قىزمەت پەن كۆازيمەملەكەتتىك سەكتوردا قىزمەت اتقارۋ قۇقىعىنان ءومىر بويىنا ايىرا وتىرىپ, 6 جىلعا باس بوستاندىعىنان ايىرىلدى», دەپ حابارلادى سوتتا.
ۇكىم زاڭدى كۇشىنە ەنگەن جوق.
قىرمىزى جۇماعاليقىزى,
ەۇۋ ستۋدەنتى
