كىندىكقانى تامعان قاسيەتتى نارىنقول توپىراعىندا قالامگەردىڭ 100 جىلدىعى اياسىندا الماتى وبلىسىنىڭ اكىمدىگى مەن «تۇركسوي» حالىقارالىق ۇيىمى بىرلەسە ۇيىمداستىرعان پلەنەر جانە «ولگەندەر قايتىپ كەلمەيدى» كىتابىنىڭ تۇساۋى كەسىلدى.
كىتاپتىڭ تۇساۋكەسەر راسىمىنە الماتى وبلىسى اكىمىنىڭ ءبىرىنشى ورىنباسارى نۇرلان ەرعالي ۇلى, «تۇركسوي» ۇيىمىنىڭ باس حاتشىسى سۇلتان راەۆ, قر تۇركسوي ۇيىمىنىڭ وكىلى باقىتجان ومار, شىعارمانى تۇرىك تىلىنە اۋدارعان حۋسەين ۆارول, تانىمال كۇيشى سەكەن تۇرىسبەكوۆ, جازۋشىلار وداعىنىڭ مۇشەسى, اقىن, قازاقستان رەسپۋبليكاسى جازۋشىلار وداعى توراعاسىنىڭ ورىنباسارى باۋىرجان جاقىپ, اقىن, تۇركى ەلدەرىنىڭ جازۋشىلار وداعىنىڭ توراعاسى ەسداۋلەت ۇلىقبەك جانە زيالى قاۋىم وكىلدەرى قاتىستى.
باۋىرلاس ەكى ەل اراسىنداعى مادەني بايلانىستى دامىتۋدىڭ ماڭىزدىلىعىنا, ەكى جاقتان كەلگەن قوناقتار اسا ءمان بەردى.
سونىمەن قاتار تۇركيا, قىرعىزستان, وزبەكستان, ءازىربايجان ەلدەرى مەن ءوڭىر سۋرەتشىلەرىنىڭ تۋىندىلارىنان پلەنەر ۇيىمداستىرىلدى. قىلقالام شەبەرلەرىنە «قازاقستاننىڭ ەڭبەك سىڭىرگەن قايراتكەرى», قازاقستان سۋرەتشىلەر وداعىنىڭ توراعاسى ومىربەك جۇبانيازوۆ العىس حات تابىستادى.
ءىس-شارا سوڭى سەكەن تۇرىسبەك جەتەكشىلىك ەتەتىن «اقجاۋىن» كامەرالىق وركەسترىنىڭ كونتسەرتىنە ۇلاستى.
