فوتو: الماتى قالاسى اكىمدىگىنىڭ ءباسپاسوز قىزمەتى
اتالعان ۇسىنىس كەشەلى بەرى عالامتور كەڭىستىگىندە قىزۋ تالقىلانىپ جاتىر.
بۇگىن قازاقستان جانە دۇنيەجۇزى توعىزقۇمالاق فەدەراتسيالارىنىڭ پرەزيدەنتى ءاليحان بايمەنوۆ دەپۋتاتتىڭ ۇسىنىسىن قولدامايتىنىن جەتكىزىپ, رەسمي مالىمدەمە جاسادى.
ء«ماجىلىستىڭ بىرنەشە دەپۋتاتى ۇلتتىق مادەني مۇرامىز - توعىزقۇمالاقتىڭ اتىن وزگەرتۋ قاجەت دەپ ۇكىمەتكە ساۋال جولداپتى. عاسىرلار بويى حالىق پايدالانىپ كەلگەن ءتول اتاۋدان جيرەنۋ, قاسيەتتى ۇعىمدارعا نەمقۇرايدى قاراۋ - ۇلتتىق قۇندىلىقتار اياسىندا قوعامدى ۇيىستىرۋعا باستامايتىن ءىس ەكەنى ءسوزسىز. كوزىقاراقتى كەز كەلگەن ادام «بۇلار باسقانى قويعاندا ابايدى تانىماي اۋەزوۆتى وقىماعاندار ما؟» دەپ قايران قالعان شىعار. باستاماشىلاردىڭ كىمدى وقيتىنىن بىلمەيمىز, بىراق قاعيدالى اقيقاتتى تۇسىنبەيتىنى انىق. توعىزقۇمالاق - ۇلتتىڭ مىڭجىلدىق تاريحى بار زياتكەرلىك ويىنى», دەدى ءاليحان بايمەنوۆ.
فەدەراتسيا باسشىسى توعىزقۇمالاقتى يۋنەسكو ادامزاتتىڭ مادەني مۇراسى دەپ 2020 جىلى مويىنداعانىن, توعىزقۇمالاق ۇلتىمىزدىڭ الەمدىك مادەنيەتكە قوسقان ۇلەسىنىڭ جارقىن ۇلگىسى ەكەنىن اتاپ ءوتتى.
«سىرتتان كەلگەن ادام ءتۇرلى پيعىلمەن اتاۋىن بۇرمالاسا, ونداي ءتاسىلدى ءبىزدىڭ مادەنيەت پەن تاريحي جادىمىزعا قارسى سىرتقى كۇشتەر تالاي قولدانعانىن تاريحتان دا بىلەمىز. تاريحي, عىلىمي دەرەككوزدەردە, كوركەم جانە اۋىز ادەبيەتىندە, ۇلتتىڭ جادىندا ويىن تەك توعىزقۇمالاق دەپ اتالادى. ۇلتتىق ويىننىڭ اتاۋى پارلامەنتكە دە, ۇكىمەتكە دە, توعىزقۇمالاق فەدەراتسياسىنا دا تيەسىلى ەمەس. ول ەش ادامنىڭ, نە ۇيىمنىڭ مەنشىگىنە جاتپايدى», دەدى فەدەراتسيا پرەزيدەنتى.
«ويىننىڭ دا, ونىڭ اتاۋىنىڭ دا يەسى – قازاق حالقى. ءبىزدىڭ پەرزەنتتىك پارىزىمىز – توعىزقۇمالاقتى دامىتىپ, قاناتىن كەڭگە جايۋ», دەگەن ءاليحان بايمەنوۆ قازىر الەمنىڭ 50-دەن استام ەلىندە توعىزقۇمالاق كوزبە-كوز وينالسا, ينتەرنەت ارقىلى 100 مەملەكەت تۇرعىندارى ءتۇرلى سايىستارعا قاتىسىپ جۇرگەنىن, 6 الەم چەمپيوناتى 25-30 ەل وكىلدەرىنىڭ قاتىسۋىمەن وتكەنىن, الەمگە تانىمال زياتكەرلىك ويىندار سايتتارىندا توعىزقۇمالاق كوشباسشى ورىندا تۇرعانىن, قازاقستاندا 210 مىڭ ادام ءتۇرلى دەڭگەيدە تۇراقتى شۇعىلداناتىنىن اتاپ ءوتتى.
«مۇنىڭ ءبارى ارداگەرلەر, جاتتىقتىرۋشىلار, ويىنشىلاردىڭ ەڭبەگىنىڭ, ولاردى دەمەپ, قولداپ جۇرگەن فەدەراتسيا, توعىزقۇمالاق قايراتكەرلەرى, كاسىپكەرلەر, سپورت جانە تۋريزم مينيسترلىگى مەن جەرگىلىكتى اكىمدىكتەر, ماسليحات دەپۋتاتتارىنىڭ بىرلەسە اتقارىپ جۇرگەن ىستەرىنىڭ جەمىسى. ءبىز ءارى قاراي دا ۇلتتىق مۇرانى ناسيحاتتاپ, دارىپتەپ, كەڭىرەك تارالۋى ماقساتىندا جۇمىس ىستەيمىز. پەرزەنتتىك پارىزىمىزدى اتقارۋعا ەشكىم كەدەرگى بولا المايدى. قازاق باردا توعىزقۇمالاق دامي بەرمەك. ۇلت الدىندا زور مىندەتتەر تۇر. ازامات رەتىندە ەل دامۋىنىڭ وزەكتى ماسەلەلەرى بويىنشا جوعارى مىنبەرلەردەن كەلەلى وي ايتىلعانىن قالايمىز. پىكىر الۋاندىلىعىن سىيلاي وتىرىپ, قاسيەتتى قۇندىلىقتارمەن ويناۋعا بولمايتىنىن مالىمدەيمىز», دەپ تۇيىندەدى ءاليحان بايمەنوۆ.
