فوتو: ktk.kz
«سۋ باسقان شارۋا قوجالىقتارىنداعى مال باسى قاۋىپسىز ايماققا كوشىرىلدى. ادام شىعىنى مەن ۇيلەردى سۋ باسۋ جاعدايى ورىن العان جوق. الايدا «التىن سازان» دەمالىس ورنى مەن «اداي» دۇكەنى زارداپ شەكتى. قازىرگى ۋاقىتتا اكىمدىك تاراپىنان قيىن جاعدايدا قالعان شارۋا قوجالىقتارىنا تەحنيكا, جانار-جاعارماي, قۇرال-جابدىقتار, بوگەت سالۋ, جانە مالعا قاجەتتى جەم-شوپپەن كومەك كورسەتىلىپ جاتىر», دەدى اتىراۋ قالاسى اكىمىنىڭ ورىنباسارى نۇرجان ەرمۇحانوۆ.
قالا بويىنشا سۋ باسۋ قاۋپى بار قايىرشاقتى, ەركىنقالا, المالى اۋىلدىق وكرۋگتەرى مەن اتىراۋ قالاسى ماڭىندا بارلىعى 180 شارۋا قوجالىقتارى ورنالاسقان. قاۋىپتى ايماقتاردا تاۋلىك بويىنا كەزەكشىلىك ۇيىمداستىرىلعان.
ال اۋىل شارۋاشىلىعىنا كەلگەن شىعىندى وتەۋ بويىنشا قالالىق كوميسسيا قۇرۋ جوسپارلانىپ, سول ارقىلى شارۋا قوجالىقتارىنىڭ يەلەرىنە وتەماقى تولەنەدى.
