فوتو: Zakon.kz
تەرگەۋ ورگانى ونى قىزمەت بابىن پايدالانىپ, اسا ءىرى مولشەردە بوتەننىڭ سەنىپ تاپسىرىلعان مۇلكىن زاڭسىز يەمدەندى دەپ ايىپتادى.
«سوتتالۋشى قازاقستان رەسپۋبليكاسى قىلمىستىق كودەكسىنىڭ 189-بابىنىڭ 4-بولىگىنىڭ 2-تارماعىمەن كىنالى دەپ تانىلىپ, وعان ءومىر بويىنا مەملەكەتتىك قىزمەتتە لاۋازىمداردى اتقارۋ قۇقىعىنان ايىرۋمەن 7,5 جىلعا باس بوستاندىعىنان ايىرۋ جازاسى تاعايىندالدى», دەپ حابارلادى قر جوعارعى سوتىنىڭ ءباسپاسوز قىزمەتى.
ۇكىم زاڭدى كۇشىنە ەنگەن جوق.
سوتتا انىقتالعانداي, ەمحانانىڭ باس ەسەپشىسى ءبىر جىل ىشىندە قىزمەتكەرلەردىڭ ەسەپشوتىنا جالاقىسىنان اسىپ تۇسەتىن قاراجاتتى اۋدارعان. كەيىن ول وسى ارتىق جيناقتالعان قاراجاتتى دوسىنىڭ ەسەپشوتىنا قايتارۋدى وتىنگەن. وسىلايشا قاراجاتتى ءوز قاجەتىنە جاراتىپ, 29 ملن تەڭگەدەن استام شىعىن كەلتىردى.
قىرمىزى جۇماعاليقىزى,
ەۇۋ ستۋدەنتى
