جۋىردا وبلىس اكىمى نۇرلىبەك نالىباەۆتىڭ قاتىسۋىمەن وسى باعدارلاما اياسىندا قىزىلوردا قالاسىنىڭ سول جاعالاۋىنان سالىنعان 60 پاتەرلىك تۇرعىن ءۇيدىڭ كىلتىن سالتاناتتى تابىستاۋ ءراسىمى ءوتتى. جاۋاپتى سالا وكىلدەرى مەن تۇرعىندار قاتىسقان راسىمدە وبلىس باسشىسى جاڭا پاتەر يەلەرىن قونىستويمەن قۇتتىقتاپ, ايماقتىڭ قۇرىلىس سالاسىنداعى جاڭالىقتارعا توقتالدى.
«جاستارىمىزدى ساپالى بىلىممەن, جۇمىسپەن جانە باسپانامەن قامتۋ مەملەكەتتىك ساياساتتىڭ باسىم باعىتى ەكەنىن بىلەسىزدەر. جاس وتباسىلار ءۇشىن ەڭ وزەكتى ماسەلەنىڭ ءبىرى – باسپانا. وسىنى ەسكەرىپ, 2022 جىلدىڭ جەلتوقسان ايىندا وتكەن وبلىستىق جاستار فورۋمىندا العاش رەت نەسيەلەندىرۋ جولىمەن «سىر جاستارى» باعدارلاماسىن جۇزەگە اسىرۋ تۋرالى شەشىم قابىلدانعان ەدى. ونى جۇزەگە اسىرۋ ءۇشىن «وتباسى بانك» اكتسيونەرلىك قوعامىنا بيۋدجەتتىك كرەديت بەرۋ ءۇشىن وبلىستىق بيۋدجەتتەن 1,2 ملرد تەڭگە ءبولىندى. «سىر جاستارى» – ايماق جاستارىن باسپانامەن قامتۋ باعىتىندا قولعا الىنعان وڭىرلىك تىڭ جوبا. ونى بىرلەسىپ جۇزەگە اسىرۋ ءۇشىن «وتباسى بانك» اق 500 ملن تەڭگە قارجى ءبولدى. بۇگىنگى قونىستوي – وسى بىرلەسكەن جۇمىستىڭ جەمىسى. وتكەن جىلى ايماقتا 4 108 پاتەرلىك 300 تۇرعىن ءۇي سالىندى, 2 400-گە جۋىق پاتەر تابىستالىپ, 11 مىڭنان اسا تۇرعىن قونىستوي تويلادى. بيىل دا بيۋدجەت قاراجاتى ەسەبىنەن 13,3 ملرد تەڭگەگە 1 269 پاتەرلىك 67 تۇرعىن ءۇيدىڭ قۇرىلىسى جۇرگىزىلەدى. ونىڭ ىشىندە 350-دەي پاتەر اۋداندارعا تيەسىلى. جىل باسىنان بەرى 402 وتباسى باسپانا باقىتىنا كەنەلدى. بۇگىن 60 جاس وتباسى جاڭا باسپانا ەسىگىن اشادى. جاقىن كۇندەرى تاسبوگەت كەنتىنەن 150 پاتەر قولدانىسقا بەرىلەدى. بۇل – الەۋمەتتىڭ ءال-اۋقاتىن ارتتىرۋداعى مەملەكەتتىك قولداۋدىڭ ناقتى كورىنىسى. جاڭا قونىس قۇتتى بولسىن!» دەدى وبلىس اكىمى.
جيىندا باسپانانى سالعان «دانەكەر» قۇرىلىس كومپانياسىنىڭ قىزمەتكەرلەرى ماراپاتتالدى. پاتەر كىلتىن العاندار قاتارىندا ۇستازدار, مەديتسينا, مادەنيەت جانە سپورت سالالارىنىڭ قىزمەتكەرلەرى, جۋرناليستەر جانە وزگە دە سالا ماماندارى بار.
قىزىلوردا
